پلوامہ اور شوپیان میں ہڑتال,پتھرائو اور شلنگ بھی

 پلوامہ //بامنو کیلر میں3جنگجوئوں کے جاں بحق ہونے پربدھ کو پلوامہ اورشوپیان اضلاع کے بیشتر علاقوں میںتعزیتی ہڑتال رہی۔جس دوران مرن چوک پلوامہ میں مظاہرین کو منتشر کرنے کیلئے شلنگ کی گئی ۔ادھر ریاسی جموں کے جنگجو کو پر تشدد شبانہ مظاہروں کے بعد ترکہ وانگام شوپیان میں سپرد خاک کیا گیا ۔ اختر عالم کی میت رات ساڑھے 11بجے ترکہ وانگام لیجائی گئی جہاں رات کے ساڑھے12بجے اسے پر نم آنکھوں کے ساتھ سپرد لحد کیا گیا۔اس کی نماز جنازہ میں ہزاروں لوگوں نے شرکت کی۔ تینوں جنگجوئوںکی یاد میںبدھ کو پلوامہ، راجپورہ، کیلر، زینہ پورہ، شوپیان اورکیگام سمیت بیشتر علاقوں میںدکانیں ، کاروباری اداریبند رہے ۔یہ پلوامہ میں ہڑتال کا مسلسل تیسرا دن تھا۔ البتہ صبح 11بجے لوگوں کی ایک بڑی تعداد نے مرن چوک پلوامہ میں احتجاجی مظاہرے کئے۔پولیس اور نیم فوجی دستوں نے جب انہیں منتشر کرنے کی کوشش کی تو فورسز پرکئی اطراف سے شدید سنگباری کی گئی جس کے جواب میں مظاہرین پر ٹیر گیس اور پاوا شلنگ کی گئی۔