پسماندہ علاقوں کوترقی ملی ،ترجیحی اسکیموں میں11کروڑ چھوٹے کسان شامل  | صد رجمہوریہ کاپارلیمنٹ کے مشترکہ اجلاس سے خطاب آیوشمان بھارت اور جن او شدھی پری یوجنا سے لوگوں کو ایک لاکھ کروڑ روپے کی مدد

نئی دہلی // پی آئی بی //صدرجمہوریہہ ہند دروپدی مرمو نے بیماری کو غربت کی ایک بڑی وجہ قرار دیتے ہوے کل کہا کہ آیوشمان بھارت اور جن او شدھی پری یوجنا سے ملک کے لوگوں کو ایک لاکھ کروڑ روپے کی مدد ملی ہے ۔بجٹ اجلاس کے آغاز کے موقع پر کل پارلیمنٹ کے مشترکہ اجلاس سے خطاب کرتے ہوئے صدرجمہوریہ ہند نے کہا کہ سنگین بیماری کی وجہ سے غریب خاندان کا حوصلہ پوری طرح ٹوٹ جاتا ہے ، نسلیں قرضوں میں ڈوب جاتی ہیں۔ غریبوں کو اس پریشانی سے نجات دلانے کے لیے ملک گیر آیوشمان بھارت یوجنا شروع کی گئی تھی۔ اس کے تحت 50 کروڑ سے زیادہ ملک کے لوگوں کو مفت علاج کی سہولت دی گئی۔انہوں نے کہا کہ آیوشمان بھارت یوجنا نے ملک کے کروڑوں غریبوں کی پریشانیوں کو دور کیا ہے اور انہیں 80,000 کروڑ روپے کے خرچ سے بچایا ہے ۔ مرمو نے کہا کہ حکومت کی ترجیح ملک کے 11 کروڑ چھوٹے کسان حکومت کی ترجیحی اسکیم میں شامل ہیں ،جو دہائیوں سے محروم ہیں۔ پارلیمنٹ کے مشترکہ اجلاس کو خطاب کرتے ہوئے محترمہ مرمو نے کہا کہ اب ان کسانوں کو بااختیار بنانے اور انہیں مالا مال کرنے کی ہر ممکن کوشش کی جا رہی ہے ۔ پی ایم کسان سمان ندھی کے تحت ان چھوٹے کسانوں کو 2.25 لاکھ کروڑ سے زیادہ کی مدد دی گئی ہے ۔ خاص بات یہ ہے کہ ان استفادہ کنندگان میں تقریباً تین کروڑ خواتین بھی شامل ہیں ،جس کی وجہ سے خواتین کسانوں کو اب تک تقریباً 54 ہزار کروڑ روپے مل چکے ہیں۔ صدرجمہوریہ نے کہا کہ اسی طرح چھوٹے کسانوں کے لیے فصل بیمہ، سوائل ہیلتھ کارڈ، کسان کریڈٹ کارڈ کا دائرہ بڑھانے کے ساتھ ساتھ حکومت نے پہلی بار مویشی پالنے والوں اور ماہی گیروں کو بھی کسان کریڈٹ کارڈ کی سہولت فراہم کرائی ہے ۔ فارمر پروڈیوسر آرگنائزیشن ( ایف پی او ) کے قیام سے لے کر فصلوں کی کم از کم امدادی قیمت میں اضافہ کے ساتھ کسانوں کی آمدنی میں اضافہ کرنے کے لیے چھوٹے کسانوں کے ساتھ حکومت مضبوطی سے کھڑی ہے ۔