پہلے یہاںپتھر برسائے جاتے تھے اب اُس پار:امیت شاہ
کولکتہ //مرکزی وزیر داخلہ امیت شاہ نے زور دے کر کہا کہ بھارتیہ جنتا پارٹی پاکستان کے زیر قبضہ جموں کشمیر کو واپس لینے کے لیے پرعزم ہے۔مغربی بنگال کے ہاوڑہ میں ایک انتخابی مہم میں، انہوں نے کہاکہ کیا پاک مقبوضہ کشمیر ہمارا نہیں؟ منی شنکر آئر اور فاروق عبداللہ ہمیں یہ کہہ کر ڈراتے تھے کہ پاکستان کے پاس ایٹم بم ہے اس لیے ہمیں پاک مقبوضہ کشمیر کی بات نہیں کرنی چاہیے۔ راہول بابا، ممتا دیدی، چاہے آپ کتنے ہی خوفزدہ ہوں، پاک مقبوضہ کشمیر ہمارا ہے اور ہم اسے واپس لیں گے۔کشمیر کے ہندوستانی حصے اور پاکستان کے زیر قبضہ جموں کشمیر کے درمیان فرق کو ظاہر کرتے ہوئے، شاہ نے کہا، “پہلے لوگ کشمیر کے ہمارے حصے میں احتجاج کیا کرتے تھے۔ اب پی ایم مودی کے زیر اثر کشمیر کے ہندوستانی حصے میں ہڑتال نہیں بلکہ پاک مقبوضہ کشمیر میںکی جارہی ہے۔
اس سے پہلے یہاں آزادی کا مطالبہ کرنے والے نعرے لگائے گئے تھے۔ اب وہ پاک مقبوضہ کشمیر میں شور مچا رہے ہیں، پہلے یہاں پتھر برسائے جاتے تھے، اب وہاں پھینکے جاتے ہیں۔مرکزی زیر انتظام علاقے میں سیاحتی سرگرمیوں میں اضافے پر وزیر داخلہ نے کہا کہ دو کروڑ سیاح کشمیر آئے اور ایک نیا ریکارڈ بنایا اور پاک مقبوضہ کشمیر نے لوگوں کو گندم فروخت کرنے کی شرح میں ریکارڈ بنایا۔آرٹیکل 370 کی منسوخی کے بارے میں شاہ نے کہا، “ممتا اور کانگریس ہمیں آرٹیکل 370 کو نہ ہٹانے کے لئے کہتے تھے۔ جب میں نے ان سے پارلیمنٹ میں پوچھا تو انہوں نے کہا کہ خون کی ندیاں بہیں گی، یہ پی ایم مودی کی حکومت ہے، پانچ سال گزرنے کے بعد خون کی ندیاں تو کسی کو آگ لگانے کی بھی جرات نہیں ہوئی۔انہوں نے مزید کہا کہ وزیر اعظم نریندر مودی نے آرٹیکل 370 کو ختم کیا اور کشمیر کو باقی ہندوستان میں ضم کر دیا۔ادھرجاری لوک سبھا انتخابات کے درمیان، مرکزی وزیر داخلہ امت شاہ آج یعنی جمعرات کی شام سرینگر کا دورہ کریں گے۔اعلی سرکاری ذرائع نے بتایا کہ شاہ آج شام سری نگر پہنچیں گے اور ایک رات قیام کریں گے۔انہوں نے کہا کہ اگلے دن شاہ مختلف وفود سے ملاقات کرنے والے ہیں جن میں سول سوسائٹی کے ارکان اور بی جے پی کارکنان شامل ہیں۔شاہ کا سری نگر کا دورہ ملک بھر میں ہونے والے لوک سبھا انتخابات کے درمیان آیا ہے۔بی جے پی نے وادی کشمیر کی 3 نشستوں کے لیے کوئی امیدوار کھڑا نہیں کیا ہے۔
