پاکستان کیساتھ دو طرفہ سیریز پر بولنا میرا کام نہیں:وراٹ

 لندن//ہندوستانی کپتان وراٹ کوہلی نے روایتی حریف پاکستان کے خلاف دو طرفہ سیریز کے بارے میں کہا ہے کہ ان کا کام صرف کھیلنا ہے اور وہ اس موضوع میں کچھ بھی نہیں بول سکتے ہیں۔ ہندستان اور پاکستان کے درمیان طویل عرصے سے کھیل رابطے منقطع ہیں۔اس دوران اگرچہ پاکستان کی جانب سے کھیل تعلقات خاص طور پر دونوں ممالک کے درمیان دو طرفہ کرکٹ سیریز کرانے کی پرزور کوشش کی جاتی رہی ہے ۔ دونوں ممالک کے شائقین کو طویل عرصے کے بعد چمپئنز ٹرافی میں دونوں ٹیموں کے درمیان مقابلہ دیکھنے کو ملا جس میں ہندستانی ٹیم نے بڑی کامیابی حاصل کی۔میچ کے بعد جب ٹیم انڈیا کے کپتان وراٹ کوہلی سے دونوں ممالک کے درمیان دو طرفہ سیریز کرائے جانے کے بارے میں پوچھا گیا تو انہوں نے کہاکہ پاکستان کے خلاف میچ دیگر میچوں کی طرح ہی تھا۔میں نے اس میں اچھا مظاہرہ کیا اور کھیل کا لطف اٹھایا۔میدان پر ہونے والی چیزیں ہمارے ہاتھ میں ہوتی ہیں لیکن میدان سے باہر ہونے والی سرگرمیوں پر بولنا ہمارا کام نہیں ہے ۔یہ ہمارے بس میں نہیں ہے ۔ اسٹار بلے باز نے کہاکہ ہم یہاں چمپئنز ٹرافی میں صرف کھیلنے آئے ہیں اور ہماری مکمل توجہ صرف اسی پر ہے ۔کسی دوسرے موضوع پر بولنا میرا کام نہیں ہے ۔دونوں ممالک کے درمیان سیریز کے موضوع میں فیصلہ کے لئے دیگر اعلی افسر ہیں اور وہی اس پر فیصلہ لے سکتے ہیں۔ وراٹ نے کہاکہ اس سطح پر کھیلتے وقت یہ معنی نہیں رکھتا ہے کہ آپ کس ٹیم کے خلاف کھیل رہے ہیں۔پاکستان ہو یا کوئی دوسری ٹیم، میں نے ہمیشہ کچھ خاص کرنے کی کوشش کی ہے ۔ پاکستان ایک اچھا مخالف ہے اور اس کے خلاف کھیلنا شائقین کو ہمیشہ پسند ہے ۔یواین آئی