سرینگر// شمالی کشمیر کے ہزاروں مسافروں نے بس اسٹینڈ پارم پورہ سے لالچوک تک ایس آ رٹی سی یا کوئی سپیشل بس سروس چالو کرنے کی مانگ کرتے ہو ئے اس بات پر تشویش ظا ہر کی کہ پارم پورہ سے چلنے والی سست رفتار میٹاڈار سروس سے سرکاری ملازمین ،تاجراور ہسپتال جانے والے مریض مقررہ وقت پراپنی اپنی منزلوں تک نہیں پہنچ پاتے ہیں اور اُنھیں سخت مشکلات وپریشانیوں سے دوچار ہونا پڑتا ہے۔ بغرض ملازمت، ذریعہ معاش اور علاج و معالجہ کیلئے سرینگرآنے والے شمالی کشمیرکے لوگوںنے بتا یا کہ مختلف علاقوں سے آ نے کے بعد جب وہ نئے بس اڈہ پارم پورہ پہنچ جاتے ہیں تو وہاں ان کو روایتی سست رفتارمیٹا دار سروس میں سوار ہونا پڑ رہا ہے جو کم سے کم ایک گھنٹہ لاچوک تک پہنچنے میں دیتے ہیں۔ سست رفتاری سے چلنے والی ٹرانسپورٹ سروس کے نتیجے میںہزاروں مسافروں بشمول علیل بیماروں کوسخت پریشانیوں کا سامنا کرناپڑرہاہے۔انہوں نے کہا کہ بٹہ مالوسے جنرل بس اسٹینڈ کی پارمپورہ منتقلی کے بعدشمالی کشمیرکے مسافروں کو لاچوک اور دیگر مقامات تک پہنچنے کیلئے پاپڑجھیلنے پڑتے ہیں ۔انہوں نے صوبائی انتظامیہ سے اپیل کی ہے کہ وہ پارم پورہ سے لاچوک، ڈلگیٹ تک ایس آ ر ٹی سی یا دیگر جدید بس سروس شروع کی جائے تاکہ ہرقسم کا مسا فر مقررہ وقت پر اپنے منز لوں تک پہنچ سکے۔
پارمپورہ سے لالچوک تک خصوصی بس سروس کا مطالبہ
