یو این آئی
ہرارے//کپتان شبھمن گل (66) اور رتوراج گائیکواڑ (49) کی شاندار اننگز کے بعد ہندوستان نے واشنگٹن سندر (تین وکٹ) کی شاندار گیند بازی کی بنیاد پر بدھ کو تیسرے ٹی 20 میچ میں زمبابوے کو 23 رنز سے شکست دے کر پانچ میچوں کی سیریز میں 2-1 کی برتری حاصل کر لی ہے ۔ 183 رنز کے ہدف کے تعاقب میں زمبابوے نے صرف 3.1 اوورز میں 19 کے اسکور پر تین وکٹیں گنوا دیں۔ اس کے بعد ڈیون میئرز اور کپتان سکندر رضا نے اننگز کو سنبھالنے کی کوشش کی۔ ساتویں اوور میں واشنگٹن سندر نے سکندر رضا (15) کو آؤٹ کر کے پویلین بھیج دیا۔ سندر نے اسی اوور کے آخری رن پر جوناتھن کیمبل (1) کو بھی آؤٹ کیا۔ ڈیون میئرز اور کلائیو مڈانڈے نے 77 رنز کی اہم شراکت داری کرکے میچ کا رخ موڑ دیا ۔ ڈیون میئرز نے 65 رنز کی ناٹ آؤٹ اننگز کھیلی۔ ویلنگٹن مساکاتجا 10 گیندوں میں (18) رنز بنانے کے بعد ناٹ آؤٹ رہے ۔ زمبابوے کی ٹیم 20 اوورز میں چھ وکٹوں پر صرف 159 رنز بنا سکی اور 23 رنز سے میچ ہار گئی۔اس سے قبل ہندوستانی ٹیم کے کپتان شبھمن گل نے ٹاس جیت کر پہلے بیٹنگ کا فیصلہ کیا۔ بیٹنگ کے لیے آئے یشسوی جیسوال اور شبھمن گل کی اوپننگ جوڑی نے پہلی وکٹ کے لیے 67 رنز جوڑے ۔ جیسوال نے (36) رن بنائے ۔ اس کے بعد ابھیشیک شرما (10) بلے بازی کے لیے آئے سکندر رضا کا شکار بنے ۔ 18ویں اوور میں شبھمن گل66رن بنائے۔ رتوراج گائیکواڈ نے (49) رنز بنائے ۔ سنجو سیمسن (12) رن بنائے ۔ ہندوستان نے مقررہ 20 اوورز میں چار وکٹوں پر 182 رنز بنائے اور زمبابوے کو جیت کے لیے 183 رنز کا ہدف دیا۔
