عظمیٰ سپورٹس ڈیسک
نئی دہلی //آئی سی سی ٹی ٹوئنٹی ورلڈکپ دوہزارچوبیس کا ٹرافی ٹور شروع ہو گیا۔نیویارک کے ایمپائر اسٹیٹ بلڈنگ میں ویسٹ انڈیز کے سابق کپتان کرس گیل اور امریکا کے علی خان نے ٹرافی ٹور کی لانچنگ کی۔ آئی سی سی نے ٹرافی کی تصاویر اور وڈیو شیئر کر دی ہیں۔ خوبصورت ٹرافی ٹور کیدوران پندرہ ملکوں کا دورہ کریگی۔ٹی ٹوئنٹی ورلڈکپ کا نواں ایڈیشن رواں سال یکم جون سیامریکا اور ویسٹ انڈیز میں کھیلا جائیگا۔‘آؤٹ آف دی ورلڈ’ ٹرافی ٹور چار براعظموں کے 15 ممالک پر محیط ہوگا جس میں ٹرافی کھیلوں کی مشہور ٹیموں اور اسٹیڈیمز، تاریخی مقامات اور لیجنڈ کرکٹرز کا دورہ کرے گا۔ویسٹ انڈیز اور امریکا کے تمام میزبان مقامات کا دورہ کرنے کے علاوہ ٹرافی امریکا میں ارجنٹائن، برازیل اور کینیڈا جیسے ابھرتے ہوئے کرکٹ ممالک کا بھی دورہ کرے گی جس سے نئے شائقین کو خطے میں اس تاریخی ایونٹ سے منسلک ہونے کا موقع ملے گا۔
