محمد تسکین
بانہال // ٹریڈرس فیڈریشن بانہال کی ایک میٹنگ صدر شاداب احمد وانی کی صدارت میں منعقد ہوئی جس میں ٹریڈرس فیڈریشن بانہال کیلئے عہدیداروں کا اعلان کیا گیا اور حال ہی میں منتخب صدر کے علاوہ دیگر عہدیداروں کا بھی اعلان کیا گیا ہے تاکہ صدر ٹریڈرس فیڈریشن بانہال کے صدر کی قیادت میں ان کی ٹیم دکانداروں ، تاجروں اور دیگر کاروباریوں کو درپیش مشکلات کا ازالہ کیا جا سکے ۔اس موقع پر صدر بیوپار منڈل بانہال شاداب احمد وانی نے کہا کہ ٹریڈرس فیڈریشن کے بہتر کام کاج اور دکانداروں کی فلاح و بہبود کیلئے عہدیداروں کی کمیٹی تشکیل دی گئی ہے اور اتفاق رائے سے کاروباریوں کی ایک کونسل تشکیل دی گئی ہے ۔ نو تشکیل شدہ کمیٹی میں صدر شاداب احمد وانی کے علاوہ بٹو سنگھ کو نائب صدر ، محمد امین اور انصار احمد کو سیکریٹری ، ایس اے وانی کو چیف آرگنائزر ، محمد عباس وانی کو پبلسٹی سیکریٹری ، پرویز احمد میاں کو کیشر ، اشفاق احمد کو ترجمان ، خورشید احمد ، منظور احمد اور طارق احمد شان کو ارڈی نیٹر کے طور نامزد کیا گیا۔ اس کے علاوہ ایک درجن کے قریب دکانداروں کو ایگزیکٹیو کونسل کا ممبر بنایا گیا ۔
