شیئر بازار میں گراوٹ
یو این آئی
ممبئی//امریکہ کی جانب سے ہندوستان پر 25 فیصد درآمدی ڈیوٹی اور جرمانہ عائد کرنے کے اعلان کے بعد جمعرات کو ہندوستانی اسٹاک مارکیٹوں میں بڑی گراوٹ دیکھی گئی۔بی ایس ای کاسینسیکس 786.36 پوائنٹس کی گراوٹ کے ساتھ 80695.50 پوائنٹس پر کھلا۔ پاور گرڈ، ایٹرنل اور ٹاٹا اسٹیل میں خریداری کی وجہ سے ایک وقت میں یہ 81050.83 پوائنٹس تک پہنچ گیا، لیکن پھر 81 ہزار سے نیچے گر گیا۔ خبر لکھنے کے وقت انڈیکس 526.14 پوائنٹس یعنی 0.64 فیصد گر کر 80955.72 پوائنٹس پر تھا۔اسی طرح نیشنل اسٹاک ایکسچینج کا نفٹی 125.10 پوائنٹس گر کر 24,642.25 پوائنٹس پر کھلا۔ بعد میں 24728.95 پوائنٹس کو چھونے کے بعد، خبر لکھنے کے وقت 148.10 پوائنٹس یعنی 0.6 فیصد کمی کے ساتھ 24706.95 پوائنٹس پر تھا۔ این ایس ای پر تمام سیکٹرز کے انڈیکس سرخ نشان میں تھے ۔ تیل اور گیس، ڈیوریبل کنزیومر پروڈکٹس، آئی ٹی، فارما اور آٹو سیکٹر زیادہ دباؤ میں رہے ۔بین الاقوامی مارکیٹوں میں ایشیائی بازاروں میں ملا جلا رجحان رہا۔ جاپان کا نکئی 1.02 فیصد بڑھا، جبکہ ہانگ کانگ کا ہینگ سینگ 1.60 فیصد اور چین کا شنگھائی کمپوزٹ 1.18 فیصد نیچے آیا۔یورپی بازاروں میں تیزی دیکھی گئی۔ جرمنی کا ڈیکس ابتدائی کاروبار میں 0.24 فیصد اور برطانیہ کا ایف ٹی ایس ای 0.51 فیصد کی تیزی دیکھنے کو ملی ۔
