یو این آئی
بیجنگ//چینی وزیر خارجہ وانگ ڑی نے امریکی صدر ڈونلڈ ٹرمپ کے غزہ پر قبضے کے منصوبے کو مسترد کر دیا۔ترک خبر رساں ادارے انادولو کے مطابق ’چائنا نیوز ایجنسی‘ نے جمعہ کو رپورٹ کیا کہ چین کے سالانہ قانون ساز اجلاس کے دوران ایک پریس کانفرنس کرتے ہوئے چینی وزیر خارجہ وانگ ڑی نے کہا ہے کہ ’چین، مصر اور دیگر عرب ممالک کی جانب سے غزہ میں امن بحال کرنے کے لیے پیش کیے گئے منصوبے کی حمایت کرتا ہے، غزہ فلسطینی عوام کا ہے اور یہ فلسطینی سرزمین کا ایک ناقابل تقسیم حصہ ہے‘۔انہوں نے اس بات پر بھی زور دیا کہ غزہ کی حیثیت میں کوئی بھی جبری تبدیلی صرف نئے انتشار کا سبب بنیگی۔وانگ ڑی نے بین الاقوامی برادری پر زور دیا کہ وہ مستقل جنگ بندی کے لیے کوششیں کرے، انسانی امداد میں اضافہ کریں اور ’فلسطینیوں کے فلسطین پر حکومت کرنے‘ کے اصول کو برقرار رکھیں۔انہوں نے فلسطینی ریاست کے قیام اور دو ریاستی حل کی حمایت کا اعادہ کیا جو مشرق وسطیٰ کے تنازع کے حل کی بنیاد ہے۔چینی وزیر خارجہ نے فلسطین اور اسرائیل کے درمیان امن کو فروغ دینے کے لیے عالمی کوششوں پر زور دیتے ہوئے کہا کہ ’تمام فلسطینی دھڑوں کو اتحاد اور خود کو مضبوط بنانے کے لیے بیجنگ اعلامیے پر عمل کرنے کی ضرورت ہے‘۔انہوں نے کہا کہ چین، مشرق وسطیٰ کے عوام کے لیے انصاف، امن اور ترقی کے لیے بھرپور جدوجہد جاری رکھے گا۔خبر رساں ادارے ’رائٹرز‘ کے مطابق وانگ ڑی نے کہا کہ اگر بڑی طاقتیں واقعی غزہ کے عوام کی پروا کرتی ہیں تو انہیں غزہ میں جامع اور دیرپا جنگ بندی کو فروغ دینا چاہیے اور انسانی امداد میں اضافہ کرنا چاہیے۔
ایلون مسک کا اسٹار شپ راکٹ ایک بار پھر خلا میں تباہ
سان فرانسسکو/عظمیٰ نیوز سروس/ ایلون مسک کا اسٹار شپ راکٹ ایک بار پھر تجرباتی پرواز کے دوران چند منٹ بعد ہی تباہ ہوگیا تاہم اسپیس ایکس نے حکام کے ساتھ مل کر تحقیقات شروع کردی ہے ۔تفصیلات کے مطابق ایلون مسک کا اسٹارشپ راکٹ آٹھویں تجرباتی پرواز کیلئے اڑان بھرنے کے چند منٹ بعد ہی تباہ ہوگیا۔اپیس ایکس کی لائیواسٹریمنگ میں راکٹکو فضا میں بلند ہوتے اور پھر چند منٹ میں ہی پھٹتے دیکھا گیا۔سوشل میڈیا پر وائرل متعدد وڈیوز میں راکٹ کا ملبہ جنوبی فلوریڈا اور کیریبئن جزائر بہاماس کے کچھ حصوں میں گرتا دیکھا جا سکتا ہے ۔اس خلائی مشن کا مقصد راکٹ کا تجربہ کرنا اور جعلی سیٹلائٹ لانچ کرنا تھا، مگر بدقسمتی سے خلا میں پہنچنے کے فوراً بعد تباہی کا شکار ہوگیا۔اسپیس ایکس کا 2025 میں یہ دوسرا ناکام تجربہ ہے ،اس سے قبل سولہ جنوری کو بھی اسپیس ایکس کا راکٹ فضا میں تباہ ہوا تھا۔ایلون مسک کا مقصد ایسا راکٹ بنانا ہے ، جو خلا میں زیادہ تعداد میں سیٹلائٹس بھیجنے کے ساتھ ساتھ انسانوں کو چاند اورمریخ تک لے جانے کی صلاحیت رکھتا ہو۔اس سے قبل سولہ جنوری کو بھی ایک راکٹ فضا میں تباہ ہوا تھا۔ادھر اسپیس ایکس کے دیوہیکل اسٹار شپ راکٹ نے جمعرات کو اپنی آٹھویں آزمائشی پرواز پرواز کی ۔اسٹارشپ نے امریکی ریاست ٹیکساس میں براؤنس ویل کے قریب کمپنی کی اسٹاربیس سہولت سے پرواز کی ۔اسپیس ایکس کے مطابق، اس آزمائشی پرواز میں پچھلے ٹیسٹوں میں حاصل نہ ہوپانے والے مقاصد کو ہدف بنایا جائے گا، جس میں اسٹار شپ کی پہلی پے لوڈ کی تعیناتی، لانچ سائٹ پر اوپری مرحلے کو واپس کرنے کے لیے ڈیزائن کیے گئے متعدد دوبارہ داخلے کے تجربات اور سپر ہیوی بوسٹر کی لانچ، واپسی اور پکڑ شامل ہے ۔
