ٹرمپ جاپان ، جنوبی کوریا اور چین کا دورہ کریں گے

واشنگٹن//امریکی صدر ڈونالڈ ٹرمپ نے کل کہا کہ وہ نومبر میں جاپان، جنوبی کوریا اور چین کا دورہ کریں گے ۔ انہوں نے کہا کہ وہ ایشیا پیسفک اکانامک کو آپریشن (اے پی ای سی) کانفرنس میں شامل ہونے کے لئے ویت نام کا دورہ بھی کر سکتے ہیں۔مسٹر ٹرمپ چین کے ساتھ ملکر شمالی کوریا کے ایٹمی پروگراموں پر پابندی عائد کرنے کے سلسلے میں کوششیں کررہے ہیں۔مسٹر ٹرمپ نے کہا، " میں شاید نومبر میں ایشیائی ممالک کا دورہ کروں گا اورجاپان، جنوبی کوریا اور ممکنہ طور پر ویت نام کا دورہ بھی کرسکتا ہوں۔"امریکہ کے نائب صدر مائیک پنس نے اپریل میں انڈونیشیا کے دورے کے دوران کہا تھاکہ مسٹر ٹرمپ فلپائن اور ویت نام میںمنعقد ہونے والے چوٹی کانفرنس میں شرکت کریں گے ۔رائٹر