سرینگر//ٹرانسپورٹ کمشنر بھوپندر کمارنے موٹر وہیکل ڈیپارٹمنٹ کے کام کاج کا جائزہ لیا۔ میٹنگ میں جموںوکشمیر یوٹی کے تمام اَفسران ( آر ٹی اوز اور اے آر ٹی اوز ) نے شرکت کی ۔اُنہوں نے محکمہ کے کام میں کارکردگی اور شفافیت لانے کی ضرورت پر زور دیتے ہوئے محکمہ میں آئی ٹی سے چلنے والی خدمات کی اہمیت پر زرو دیا۔میٹنگ میں تمام اَضلاع میں ہائی سیکورٹی رجسٹریشن پلیٹس کی فٹمنٹ کی کارکردگی کا جائزہ لیا گیا اور تمام آر ٹی اوز اور اے آر ٹی اوزکو ہدایت دی گئی کہ وہ اِس بات کو یقینی بنانے کے لئے عمل آوری کے اِقدامات میں اِضافہ کریں تاکہ موٹر وہیکل ایکٹ کے مطابق ایچ ایس آر پی نہ لگانے پر گاڑیوں کے مالکان کے خلاف سخت کارروائی کی جائے۔میٹنگ میں مزید بتایا گیا کہ آن لائن موڈ (https://realmazon.com) کے ذریعے ایچ ایس آر پی کی بُکنگ بھی شروع کی گئی ہے ۔ تمام آر ٹی اوز اور اے آر ٹی اوزسے کہا گیا ہے کہ وہ ایچ ایس آر پی کی آن لائن بُکنگ کے لئے وسیع تشہیر کریں۔تمام اَضلاع کے آر ٹی اوز اور اے آر ٹی اوزسے کہا گیا ہے کہ وہ اَپنے دفاتر میں درخواست گزاروں کی فزیکل موجودگی کی سختی سے حوصلہ شکنی کریں اورآن لائن خدمات کے بارے میں حکومت کی ہدایات پر عمل درآمد کو یقینی بنائیں۔ٹرانسپورٹ کمشنر نے تمام اَفسران کو ہدایت دی کہ وہ تمام خدمات کو عوام الناس کے لئے آسانی سے مہیا کرنے کی کوشش کریں۔ آر ٹی اوز اور اے آر ٹی اوزکو بھی ہدایت دی گئی کہ وہ سڑکوں پر ہونے والی خلاف ورزیوں کو چیک کریں اور موٹر وہیکل ایکٹ اور قواعد کے تحت قصورواروں کو سزائیں دیں۔آنے والی شری اَمرناتھ جی یاترا ( ایس اے این جے وائی ) 2022ء کے دوران اے آر ٹی او بالخصوص اننت ناگ اور گاندربل اِس بات کو یقینی بنائیں گے کہ تمام اِنتظامات مکمل ہوں۔یاتریوں کو زیادہ قیمت وصول کرنے کی وجہ سے پریشانی کا سامنا نہیں کرنا پڑے گا۔اِی ۔ رِکشا کے تعارف کے بارے میں آر ٹی اوز اور اے آر ٹی اوزسے کہا گیا کہ وہ اَپنے روٹوں کو متعلقہ علاقائی ٹرانسپورٹ اَتھارٹیوں کے ذریعے حکومت کی طرف سے جاری کردہ مستقل رہنما خطوط کے مطابق مطلع کریں۔
