ووٹ ڈالنے والے علاقوں کی ناکہ بندی کی جائیگی

سرینگر// سرینگر پارلیمانی نشست کے38پولنگ مراکز پردو بارہ پولنگ کیلئے سخت سیکورٹی انتظامات کئے گئے ہیں جبکہ فورسز کی20اضافی کمپنیوں کے علاوہ الیکشن کی نگرانی کیلئے2خصوصی سپر انٹنڈنٹ آف پولیس کو تعینات کیا گیا ہے۔اس دوران ضلع انتظامیہ نے پورے بڈگام ضلع میں دفعہ144کا سختی سے نفاذ عمل میں لانے کا فیصلہ کیا ہے۔چیف الیکٹورل آفیسر شانت منو نے کہا ہے کہ پولنگ مراکز پر از سر نو رائے دہند گی کیلئے سلامتی اور ویڈیو گرافی کے معقول انتظامات کئے گئے ہیں۔ سرینگر پارلیمانی نشست کے ضمنی انتخابات کے روز کئی پولنگ مراکز پر تشدد آمیز واقعات رونما ہونے کے بعد جمعرات کو 38 پولنگ اسٹیشنوں پر از سر نو ووٹ ڈالے جا رہے ہیں،جس کیلئے انتظامیہ نے غیر معمولی سیکورٹی انتظامات کئے ہیں۔ ذرائع کے مطابق جن علاقوں میں ووٹ ڈالے جا رہے ہیں ان میں کسی بھی دیگر علاقے کے شہری کو داخل ہونے کی اجازت نہیں دی جائے گا۔ سی آر پی ایف ترجمان بھویش چودھری نے کشمیر عظمیٰ کو بتایا کہ باہر کے کسی بھی شہری کو اس علاقے میں آنے کی اجازت نہیں دی جائے گی جن علاقوں میں دوبارہ ووٹنگ ہو رہی ہے۔انہوں نے کہا’’ان علاقوں کی باہر سے سخت ناکہ بندی کی جائے گی جہاں سر نو ووٹ ڈالے جا رہے ہیں اور کسی بھی غیر علاقے کے شخص کو اس علاقے میں جانے کی اجازت نہیں ہوگی۔چودھری نے مزید کہا کہ پرامن طور اور احسن طریقے سے ووٹنگ عمل کو پائے تکمیل تک پہنچانے کیلئے 20اضافی فورسز کمپنیوں کو بھی ان علاقوں میں تعینات کیا جائے گا۔ اس دوران انتخابی عمل اور قیام امن کیلئے  پولیس کے2ایس پی از کو نگرانی پر تعینات کیا گیا ہے۔پولیس ذرائع کے مطابق پولیس کے2سنیئر اور امن و قانون سے نپٹنے کیلئے2ماہر افسران کی خدمت حاصل کی گئی ہے تاکہ وہ ان علاقوں کے امن و قانون پر نظر بنائے رکھے۔ سیکورٹی ایجنسیوں نے اس بات کو یقینی بنانے کیلئے حکمت عملی مرتب کی ہے کہ کوئی بھی شخص پولنگ بوتھ پر دھاوا یا قبضہ کرنے کی کوشش نہ کرسکے۔ اس سلسلے میں چیف الیکٹورل آفیسر شانت منو نے بدھ کو ایک میٹنگ طلب کی جس میںانہوں نے ان مراکز پر دوبارہ ووٹ ڈالے جانے کے حوالے سے کئے جارہے انتظامات کا جائزہ  لیا ۔انہوں نے کہا ’’ تمام پولنگ مراکز پر چنائو عمل کی ویڈیو گرافی کرائی جائے گی، اس کے علاوہ مرکزی حکومت کے دفتر سے تعلق رکھنے والے ایک ایک مائیکرو مشاہد کو ہر ایک پولنگ سٹیشن پر تعینات کیا جائے گا‘‘۔چیف الیکٹورل آفیسر نے کہا کہ الیکشن کمیشن آف انڈیا کی طرف سے وضع کئے گئے دیگر انتظامات بھی مکمل کئے گئے ہیں تاکہ شفاف اور آزادانہ چنائو کو یقینی بنایاجاسکے۔انہوں نے بتایا کہ بڈگام ضلع کے 38پولنگ مراکز پر ووٹ ڈالنے کا عمل صبح 7بجے شروع ہوگا اورسہ پہر 4بجے تک جاری رہے گا۔ الیکشن کمین آف انڈیا کے مطابق سرینگرپارلیمانی نشست کے ضمنی چنائو کیلئے ضلع بڈگام کے جن 38پولنگ مراکز پر دوبارہ پولنگ ہوگی،ان میں چاڈورہ اسمبلی حلقے انتخاب کے بوگام بٹہ پورہ ( بی) ۔31،بوگام بٹہ پورہ (بی)۔32،نوبُگ ۔33، چک مہند جو دھر ۔39، واتھورہ (بی)۔52، زولوا۔34، گوپال پورہ (اے)۔55،گوپال پورہ (بی) ۔ 56،ڈونی واری۔57، کرالہ پورہ (اے)۔60، کرالہ پورہ (بی)۔ 61،کرالہ پورہ (ڈی)۔63،دھرم بُگ (اے) ۔ 65، دھرم بُگ (بی)۔66، باغ ماہتاب (بی)۔87،دھرم بُگ (سی)۔98۔بڈگام اسمبلی حلقے انتخاب کے نصراللہ پورہ (بی)۔22، نصراللہ پورہ (سی)۔23، گلوان پورہ (اے) ۔28، ہاری پورہ ۔30، وارہ سنگم ۔32، سویہ بُگ (ایچ)۔40، پتلی باغ ۔107، گلوان (بی)۔120۔بیروہ اسمبلی حلقے انتخاب کے کانہامہ ۔15، بدرَن( بی) ۔29، پیرپورہ ۔34، سہہ پورہ ۔89، گنڈی پورہ (اے)94۔ خانصاحب اسمبلی حلقے انتخاب کے کنڈورہ (بی) ۔79۔چرارِ شریف اسمبلی حلقے انتخاب کے  ریہ پورہ ۔7، گوپال سیف(اے) ۔9، نو پورہ ۔16، چرارشریف ( ایم ) ۔38، کانِر( اے ) ۔ 86، کانر ( بی) ۔ 87، ہُشرو۔90 ، واگام ۔91۔پولنگ کے مراکز اورمقامات پہلے سے طے شدہ اعلان کے تحت ہی رہیں گے ۔ (بی)۔22، نصراللہ پورہ (سی)۔23، گلوان پورہ (اے) ۔28، ہاری پورہ ۔30، وارہ سنگم ۔32، سویہ بُگ (ایچ)۔40، پتلی باغ ۔107، گلوان (بی)۔120۔بیروہ اسمبلی حلقے انتخاب کے کانہامہ ۔15، بدرَن( بی) ۔29، پیرپورہ ۔34، سہہ پورہ ۔89، گنڈی پورہ (اے)94۔ خانصاحب اسمبلی حلقے انتخاب کے کنڈورہ (بی) ۔79۔چرارِ شریف اسمبلی حلقے انتخاب کے  ریہ پورہ ۔7، گوپال سیف(اے) ۔9، نو پورہ ۔16، چرارشریف ( ایم ) ۔38، کانِر( اے ) ۔ 86، کانر ( بی) ۔ 87، ہُشرو۔90 ، واگام ۔91۔