ڈوڈہ//سڑک حادثات میں قیمتی جانوں کے زیاں پر تشویش کا اظہار کرتے ہوئے عوامی تعمیرات کے وزیر نعیم اختر نے انجینئروں کو ہدایت دی کہ وہ ضلع ڈوڈہ کے قومی شاہراہ اور دیگر سڑکوں پر مسافروں کی سلامتی یقینی بنانے کے لئے کریش بئیر ئیر نصب کریں۔وادی چناب میں سڑکوں اور پُلوں کی کاموں کی پیش رفت کا جائزہ لینے کے لئے منعقدہ اجلاس کی قیادت کرتے ہوئے انہوں نے کہا کہ مسافروں کے تحفُظ کو یقینی بنانے کے لئے خصوصی توجہ دینے کی ضرورت ہے۔اجلاس میں ایم ا یل اے ڈوڈہ شکتی راج پریہار، ایم ایل اے بھدرواہ دلیپ پریہار ،ایم ایل سی فردوس ٹاک ،چیف انجینئر پی ڈبلیو ڈی( آر اینڈ بی) سدھیر شاہ،ڈپٹی کمشنر ڈوڈہ بھوانی رکوال ،سپرانٹنڈگ انجنیئر پی ڈبلیو ڈی( آر اینڈ بی) سرکل ڈوڈہ نیاز بانڈے ،پی ڈبلیو ڈی( آر اینڈ بی) کے انجینئروں اور متعلقہ محکموں کے سینئر افسروں نے بھی شرکت کی۔اجلاس میں بتایا گیا کہ27.05 km, 11.95 km and 15.70 km سڑک بالترتیب ڈوڈہ ،بھدرواہ اور گندوہ میں تعمیر کی گئی ہیجبکہ ناگری سے گھٹ،ڈوڈہ سے بیولی، کھیلانی سے اولڈ ڈوڈہ پُل ،گندوہ سے جائی ،جکیاس سے چلی پین اور بیولی سے لال درمن تک سڑکوں کی تعمیر پر کام شد و مد سے جاری ہے۔انہوں نے ٹھاٹھری سے کلہوتریان سڑک ی تعمیر کے لئے ڈی پی آر ترتیب دینے کی بھی ہدایت دی۔اس موقعہ پر ضلع ترقیاتی کمشنر نے وزیر مو صوف کو بتایا کہ سڑکوں کی تعمیر میں کام کی روکاوٹ کرشروں اور ہاٹ مکس پلانٹوں کی کمی ہے۔انہیں مزید بتایا گیا کہ مہشور گنپت پل اور بٹوت سے کشتواڑ تک کی سڑک کی تعمیر مکمل کی گئی ہے جبکہ شوا دال کے مقام پر دریائے چناب پر پُل کی تعمیر سال رواں کے آخر میں مکمل ہونے کی توقع ہے۔انہوں نے کہا کہ گورنمنٹ ڈگری کالج گندوہ کی عمارت کا پہلا منز ل مارچ2018تک مکمل ہوجائے گا۔وزیر کو دیگر ترقیاتی پروجیکٹوں کی بھی جانکاری دی گئی، جن میں ضؒع ہسپتال ڈوڈہ، سب ۔ضلع ہسپتال بھدرواہ، گندوہ ،پی ایچ سی بھالہ، برتھ اور گوندنہ،نیو میڈیکل کالج ڈوڈہ ،ملٹی پرپز انڈور ہال اور سپورٹس اسٹیڈیم ڈوڈہ اور پالی ٹیکنیک کالج بیولی وغیرہ شامل ہیں۔وزیرموصوف نے متعلقہ ایجنسیوںسے ان کاموں کی فوری تکمیل کی ہدایت دی ۔انہوں نے محکمہ زراعت کے افسروں کو آرگنک کھیتی خصوصاً اخروٹ ، مکی اور زیتون کے فصلوں کو فروغ دین ے کے لئے مقامی نوجوانوں کو ملوث کرنے کی ہدایت دی۔دورے کے دوران وزیر نے بٹوت کے لوگوں سے تبادلہ خیال کرتے ہوئے انکے مسائل کی جانکاری حاصل کی اور یقین دلایا کہ انکے مسائل کو حل کرنے کی کوشش کی جائے گی۔بٹوت او عصر کے مقامی لوگوں نے بنجار موڑ سے شمتی کے 7کلو میٹر تک کی سڑک او رپی ایچ سی عصر تک کے لنک روڈ کی تعمیر کرنے کا مطالبہ کیا ۔وزیر موصوف نے ان مطالبات پر انجینئروں کو مطلوبہ لوازمات پُر کرنے کی ہدایت دی ،تاکہ ان کاموںکو جلد از جلد شروع کیا جا سکے۔
وزیر تعمیرات ڈوڈہ کے دورہ پر
