نئی دہلی //وزیر اعظم نریندر مودی 14 اور 15 جولائی 2018ء کو اترپردیش کے وارانسی ، اعظم گڑھ اور مرزا پور اضلا ع کا دورہ کریں گے۔اعظم گڑھ میں 14 جولائی کو وزیر اعظم 340 کلو میٹر طویل پروانچل ایکسپریس وے کا سنگ بنیاد رکھیں گے۔ یہ سڑک بارہ بنکی،امیٹھی، سلطان پور ، فیض آباد ، امبیڈکر نگر، اعظم گڑھ، مئو اور غازی پور سمیت اترپردیش کے متعدد اہم اور تاریخی قصبوں کو ریاستی راجدھانی لکھنؤ سے جوڑے گی۔اس ایکسپریس وے کے مکمل ہوجانے پر دہلی ایکسپریس وے کے ذریعے اترپردیش کے متعدد بڑے قصبوں اور شہروں سے، مغرب میں نوئیڈا سے اور مشرق میں غازی پور سے جڑ جائے گی۔ وارانسی میں وزیر اعظم 900کروڑ روپے کے لاگت والے اہم پروجیکٹوں کو قوم کے نام وقف کریں گے یا سنگ بنیاد رکھیں گے۔وہ پروجیکٹ جنہیں قوم کے نام وقف کیا جانا ہے وہ وارانسی سٹی گیس ڈسٹریبیوشن پروجیکٹ اور وارانسی –بلیہ(Ballia) ای ایم یو ٹرین ہیں۔پنچ کوشی پریکرما مارگ اور اسمارٹ سٹی مشن اورنمامی گنگے کے تحت متعدد پروجیکٹوں کا سنگ بنیاد رکھا جائے گا۔وزیر اعظم وارانسی میں انٹرنیشنل کنوینشن سینٹر کا بھی سنگ بنیاد رکھیں گے۔ ایک الگ تقریب میں اترپردیش کے وزیر اعلیٰ جناب یوگی آدتیہ ناتھ وزیر اعظم کی موجودگی میں ‘‘میری کاشی ’’نامی ایک کتاب کا اجراء کریں گے۔15 جولائی کو وزیر اعظم مرزا پور جائیں گے ، جہاں وہ بان ساگر نہر پروجیکٹ کو قوم کے نام وقف کریں گے۔اس پروجیکٹ سے خطے میں سینچائی کو فروغ ملے گا اور اس سے یوپی کے مرزا پور اور الہ آباد کے کسانوں کو بہت زیادہ فائدہ پہنچے گا۔اسی تقریب میں نریندرمودی مرزا پور میڈیکل کالج کا سنگ بنیاد رکھیں گے۔وہ ریاست میں 108 جن اوشدھی کیندر کا افتتاح کریں گے۔ وزیر اعظم بالو گھاٹ، چونار میں گنگاندی پر ایک پل کو بھی قوم کے نام وقف کریں گے۔
وزیر اعظم 14 اور 15 جولائی 2018ء کو مشرقی یوپی کا دورہ کریں گے
