نئی دہلی//وزیراعظم نریندرمودی نے بدھ کے روز ملک شہیدوں کو یادکرتے ہوئے تاریخی لال قلعہ میں نیتاجی سبھاش چندر بوس میوزیم کا افتتاح کیااور انکی خدمات کو یادکیا۔مسٹر مودی نے یہاں نیتاجی کے 122ویں یوم پیدائش پر انکی انڈین نیشنل آرمی کا ذکر کرتے ہوئے اس میوزیم کا افتتاح کرنے کے بعد کہاکہ نیتا جی ایک بڑی شخصیت تھے جنھوں نے ہندستان کو آزاد کرانے اور ملک کے باشندوں کو عزت ووقارکے ساتھ جینے کے لیے اپنا سب کچھ قربان کردیا۔ہم ایک مضبوط ہندستان کی تعمیر کے لیے انکے آدرشوں کو پوراکرنے کے تئیں وقف ہیں ۔ انھوں نے کہاکہ اس قلعہ کی دیواروں سے تاریخ گونجتی ہے اور اسی قلعہ میں نیتاجی کے فوجی کرنل پریم سہگل ،کرنل گروبخش سنگھ ڈھلو،میجر جنرل شاہ نواز خان ٹرائل ہواتھا۔ وزیراعظم نے میوزیم میں آویزاں نیتاجی کی نایاب تصویروں اور آرٹ ورک،تحائف ،میڈلس، ملبوسات،بیجز وغیرہ کا افتتاح کیا۔انھوں نے لال قلعہ میں جلیاں والا باغ میوزیم ،یاد جلیاں اور پہلی جنگ آزادی 1857کے میوزیم اور درشیہ کلا میوزیم کا بھی افتتاح کیا۔انھوں نے درشیہ کلا میوزیم میں ہندستانی آرٹ کی نمائش کا افتتاح کرتے ہوئے کہاکہ گرودیو رویندر ناتھ ٹیگور کی فن پاروں کا ذکر کرتے ہوئے کہاکہ گرودیو کے یہ فن پارے آرٹ سے محبت کرنے والوں کے لیے ایک تحفہ ہیں ۔ٹیگور ایک عظیم مصنف ہی نہیں بلکہ عالمی آرٹ سے جڑے بھی تھے اور انکے فن پاروں کی دنیا بھرمیں نمائش ہوئی ہے ۔انھوں نے آرٹ سے محبت کرنے والوں سے اپیل کی کہ وہ درشیہ کلاآکر ہندستانی فن وثقافت کی جھانکی کودیکھیں اور اس نمائش میں راجہ روی ورما ،امرتا شیرگل ٹیگور ،نندلال بوس ،جیمنی رائے ،گگیندرناتھ ٹیگور وغیرہ کی تصویروں کا دیدار کریں ۔ انھوں نے کہاکہ ان چاروں میوزیموں کو کرانتی مندر نام دیاگیاہے جس میں تین صدیوں کے 450چنندہ فن پاروں کو شامل کیاگیاہے ۔کرانتی مندر میں دوسری عالمی جنگ کی بھی تصویریں ہیں ۔ اس موقع پر مرکزی وزیرثقافت مہیش شرما ،وزارت ثقافت اور ہندستانی آثار قدیمہ کے سینئر افسران بھی موجودتھے ۔یواین آئی
وزیر اعظم کے ہاتھوں لال قلعہ میں نیتاجی میوزیم کا افتتاح
