یو این آئی
نیویارک//وزیر اعظم نریندر مودی نے پیر کو نیو یارک میں یوکرین کے صدر ولادیمیر زیلنسکی سے ملاقات کی ۔قابل ذکر ہے کہ مودی اور زیلنسکی کے درمیان گزشتہ ایک ماہ میں یہ دوسری ملاقات ہے۔ اس سے قبل مودی کے دورئہ یوکرین کے دوران دونوں لیڈروں نے کیف میں ملاقات کی تھی ۔اس دوران مودی نے یوکرین میں جاری تنازعہ کا مذاکرات اور سفارتکاری کے ذریعہ پرامن حل تلاش کرنے میں تعمیری کردار ادا کرنے کیلئے ہندوستان کی آمادگی کا اعادہ کیا۔ وزیر اعظم نے تمام اسٹیک ہولڈرز کے درمیان اشتراک کے ہندوستان کے موقف کو بھی دہرایا، یعنی دونوں فریقین (یوکرین اور روس)کو بیٹھ کر بات چیت کرنی چاہئے تاکہ پرامن حل تلاش کیا جا سکے۔ انہوں نے کہا کہ ہندوستان تنازعہ کے مستقل اور پرامن حل کیلئے ہر ممکن مدد فراہم کرنے کیلئے تیار ہے۔وزارت خارجہ کے ترجمان رندھیر جیسوال نے سوشل میڈیا پلیٹ فارم پر کہا کہ انہوں نے یوکرین کی صورتحال پر بھی تبادلہ خیال کیا۔ وزیر اعظم نے بات چیت اور سفارت کاری کے ذریعے تنازعہ کا پرامن حل تلاش کرنے میں تعمیری کردار ادا کرنے کی خواہش کا اعادہ کیا۔وزیر اعظم مودی نے 23ستمبر کو نیو یارک میں فیوچر سمٹ کے موقع پر یوکرین کے صدر ولادیمیر زیلنسکی کے ساتھ دو طرفہ میٹنگ کی۔ دونوں رہنمائوں نے وزیر اعظم کے یوکرین کے حالیہ دورے کو یاد کیا اور دو طرفہ تعلقات کے خواہش کااظہار کیا اوریوکرین میں حالات کی مسلسل مضبوطی اور امن کی راہ پر آگے بڑھنے پر اطمینان کا اظہار کیا۔وزیر اعظم نے سفارت کاری اور بات چیت کے ساتھ ساتھ تمام فریقین کے درمیان مشغولیت کے ذریعے تنازعہ کے پرامن حل کے حق میں ہندوستان کے واضح، مستقل اور تعمیری نقطہ نظر کا اعادہ کیا۔ انہوں نے کہا کہ ہندوستان تنازع کے مستقل اور پرامن حل کیلئے ہر طرح کی مدد فراہم کرنے کیلئے تیار ہے۔
