نئی دہلی//کانگریس کے سابق صدرراہل گاندھی نے ہفتہ کے روز وزیر اعظم نریندر مودی کی شدید تنقید کرتے ہوئے کہا کہ مودی کا چینی دراندازی پرآل پارٹیز میٹنگ (اے پی ایم) میں دیا گیا بیان ثابت کرتا ہے کہ انہوں نے چینی جارحیت کے سامنے خود سپردگی کی ہے۔
گاندھی نے ٹوئٹ کیا”وزیر اعظم نے چینی جارحیت کے سامنے ہندوستانی زمین سرنڈر کردی ہے“۔
انہوں نے مودی سے تیکھے سوال کئے اور جاننا چاہا کہ”اگر زمین چینی تھی تو ہمارے فوجیوں کو کیوں مارا گیا؟وہ کہاں مارے گئے؟“۔
انہوں نے ایک ایسی خبر پوسٹ کی ہے جس میں مودی کی آل پارٹیز میٹنگ میں دیا گیا بیان جاری کیا گیا ہے جس میں ان کا کہنا ہے ” کوئی بھی ہماری سرحد میں داخل نہیں ہوا ہے اور نہ ہی کسی نے ہماری چوکی پر قبضہ کیا ہے“۔
