کراچی//کرکٹ ورلڈ کپ 2019 کی ٹرافی کا سفر جاری ہے اور عالمی کپ کی ٹرافی 6 روزہ دورے پر آج پاکستان پہنچے اور تین شہروں کا دورہ کرے گی۔عالمی کپ کی ٹرافی 3اکتوبر کو لاہور پہنچے گی اور پھر دو دن لاہور میں مختلف مقامات کی سیر کے بعد یہ ٹرافی 5 اکتوبر کو اسلام آباد پہنچے گی۔لاہور میں تین اکتوبر کو دن ڈیڑھ بجے ٹرافی کو کھلی بس میں سفر کرایا جائے گا جس کے بعد اسی دن قذافی اسٹیڈیم میں پونے تین بجے اس کی میڈیا کے سامنے رونمائی کی جائے گی۔چار اکتوبر کو ٹرافی گورنمنٹ کالج یونیورسٹی کا رخ کرے گی جس کے بعد اسے واہگہ بارڈر لے جایا جائے گا اور پھر ٹرافی کی لاہور میں آخری منزل شوکت خانم ہسپتال ہو گی۔اس کے بعد عالمی کپ کی ٹرافی اسلام آباد پہنچے گی اور وہاں دو دن رہنے کے بعد اپنے دورہ پاکستان کے آخری مرحلے میں ملک کے سب سے بڑے شہر کراچی پہنچے گی۔ٹرافی کی 7 اور 8 اکتوبر کو کراچی کے مختلف مقامات پر رونمائی کی جائے گی لیکن ان دونوں شہروں میں ٹرافی کے شیڈول کا فی الحال اعلان نہیں کیا گیا۔عالمی کپ کی ٹرافی نے نے سفر کا آغاز رواں سال 28اگست کو دبئی میں انٹرنیشنل کرکٹ کونسل کے صدر دفتر سے کیا تھا۔اس مرتبہ ورلڈ کپ کی ٹرافی کا دورہ سب سے طویل ترین ہو گا اور 21 ملکوں اور 60 شہروں کا دورہ کرے گی۔عالمی کپ کا انعقاد آئندہ سال 30مئی سے انگلینڈ میں ہو گا اور 14جولائی کو ہونے والے فائنل کی فاتح نئے عالمی چیمپیئن کا تاج سر پر سجاتے ہوئے ٹرافی اپنے نام کرے گی۔
ورلڈ کپ 2019 کی ٹرافی آج پاکستان پہنچے گی
