وراٹ نے کیا اسپنرز کا دفاع

 بنگلور، 29 ستمبر (یو این آئی) ہندوستانی کرکٹ ٹیم کو اس کے 'پرفیکٹ 10' سے روکنے والی آسٹریلوی کرکٹ ٹیم سے چوتھے ون ڈے میں شکست کے بعد کپتان وراٹ کوہلی نے ٹیم کے اسپنروں کا دفاع کیا ہے ۔نو مسلسل میچوں کے جیتنے کے بعد ٹیم انڈیا اپنی 10 ویں جیت میں ناکام رہی اور مہمان ٹیم آسٹریلیا نے بنگلور میں اسے 21 رنز سے شکست دی۔تاہم، پانچ میچوں میں ہندستان نے پہلے سے ہی 3۔1 کی ناقابل تسخیر برتری حاصل کی ہوئی ہے ۔ گزشتہ تین میچوں میں جیت میں اہم کردار ادا کرنے والے بولر اس بار کافی مہنگے ثابت ہوئے اور پٹیل، یجویندر چہل، کیدار جادھو نے کافی رن لٹایے ۔ہدف کا تعاقب کرتے ہوئے ہندوستانی ٹیم کے اوپنروں اجنکیا رہانے اور روہت شرما نے اچھی شروعات دلائی لیکن ہندستان اپنی اچھی کوشش کے باوجود جیت سے صرف 21 رن دور 313 کا اسکور ہی بنا پایا۔اس میچ میں وراٹ نے اپنی وننگ الیون میں تین تبدیلیاں بھی کیں اور امیش یادو، محمد شامی اور پٹیل کو موقع دیا گیا۔میچ کے بعد، وراٹ نے کہا کہ ہر روز اسپنر کامیاب نہیں ہوتے ہیں۔آسٹریلیا نے اس میچ میں بہت اچھی بیٹنگ کی۔انہوں نے مزید کہا کہ امیش اور شامی نے بہت اچھی بولنگ کی۔ آسٹریلیا نے خاص طور پر بیٹ کے ساتھ اچھی کارکردگی کا مظاہرہ کیا ۔انہوں نے اپنے منصوبہ کو مناسب طریقے سے میدان پر لاگو کیا۔ہم نے بھی برا نہیں کھیلا لیکن وہ اس دن ہم سے بہتر ثابت ہوئے ۔تاہم، وراٹ نے بھی اعتراف کیا کہ ان کے بیٹسمین کچھ بہتر کھیل سکتے تھے ۔ وراٹ نے میچ میں صرف 21 رنز بنائے ، جبکہ دنیا کے بہترین فنشر دھونی بھی 13 رنز بناکر آ¶ٹ ہو گئے ۔ ہندستانی کپتان نے کہاکہ ہم نے مثبت آغاز کیا تھا۔ہماری افتتاحی شراکت بھی اچھی تھی، لیکن بعد میں بھی ہمیں اچھی شراکت کی ضرورت تھی۔کپتان نے کہا کہ ہمیں جب بڑی شراکت کی ضرورت تھی تب ہم وہ نہیں بنا سکے اور مجھے لگتا ہے کہ وہیں ہماری بیٹنگ اچھی نہیں رہی۔لیکن یہ بھی ہوتا ہے ۔کبھی کبھار برا دن بھی آتا ہے ۔وراٹ نے کہا کہ اس پچ پر سب سے بڑی راحت یہی رہی کہ تیز گیند بازوں کو وکٹ مل پائے اور انہوں نے اپنی گیندوں سے اچھال بھی حاصل کیا۔ورنہ یہ پچ دیکھنے میں اچھی نہیں تھی۔ لیکن کھیلنے کے معاملے میں یہ بہت اچھی تھی اور اس نے ہم سب کو حیران بھی کیا۔