نئی دہلی//چمپئنز ٹرافی کے لیے پانچ ریزرو کھلاڑیوں میں رکھے گئے بائیں ہاتھ کے بلے باز سریش رینا نے آئی پی ایل کی تاریخ میں سب سے زیادہ رن بنانے کیلئے اپنا سرفہرست مقام یقینی کرلیا ہے ۔رینا کی گجرات لائنز کی ٹیم آئی پی ایل 10 کے پلے آف سے باہر ہو چکی ہے لیکن رینا آئی پی ایل کی تاریخ میں سب سے زیادہ رن بنانے والے بلے باز بنے رہیں گے اور اس معاملے میں وہ باہر ہو چکی ایک اور ٹیم رائل چیلنجرز بنگلور کے کپتان وراٹ سے کافی آگے نکل چکے ہیں۔بائیں ہاتھ کے بلے باز رینا نے آئی پی ایل میں اب تک 159 میچوں میں 4532 رن بنائے ہیں جبکہ وراٹ نے 148 میچوں میں 4360 رن بنائے ہیں۔ممبئی انڈینس کے کپتان روہت شرما 154 میچوں میں 4124 رنز کے ساتھ تیسرے ، کولکاتا نائٹ رائڈرس کے کپتان گوتم گمبھیر 144 میچوں میں 4059 رنز کے ساتھ چوتھے اور سنرائزرس حیدرآباد کے کپتان ڈیوڈ وارنر 112 میچوں میں 3908 رنز کے ساتھ پانچویں نمبر پر ہیں۔رینا اور وراٹ کی ٹیمیں پلے آف سے باہر ہو چکی ہیں۔گجرات کے ابھی دو میچ باقی ہیں جبکہ بنگلور کا ایک میچ باقی ہے ۔رینا اور وراٹ کے درمیان 172 رن کا فاصلہ ہے اور وراٹ اب اس فاصلے کو پورا نہیں کر سکتے ہیں۔روہت کے پاس رینا سے آگے نکلنے کا موقع رہے گا کیونکہ ان کی ٹیم پلے آف میں جگہ بنا چکی ہے ۔ گمبھیر اور وارنر اب رینا سے کافی پیچھے ہیں۔موجودہ ٹورنامنٹ میں وارنر 12 میچوں میں 535 رنز بنا کر سب سے آگے چل رہے ہیں۔(یو این آئی)
وراٹ سے آگے نکلے رینا
