عظمیٰ نیوز سروس
ودودرا//وزیر اعظم نریندر مودی نے گجرات کے دو روزہ دورے کے دوران ودودرا میں ایک روڈ شو کے ذریعہ کی۔ اس دوران بڑی تعداد میں لوگوں نے پھولوں سے ان کا استقبال کیا۔ ہندوستانی فوج کی افسر کرنل صوفیہ قریشی کے کنبہ کے اراکین نے بھی وزیر اعظم مودی کے روڈ شو کے دوران پھولوں کی بارش کی۔ گجرات کے اپنے دورے کے دوران وزیر اعظم مودی مختلف ترقیاتی منصوبوں کا افتتاح کریں گے اور سنگ بنیاد رکھیں گے۔روڈ شو کے دوران کرنل صوفیہ قریشی کی جڑواں بہن شائنہ سنسارا نے کہا کہ وزیر اعظم مودی سے مل کر ہمیں اچھا لگا۔ مودی نے خاتون اختیارکاری کے لیے بہت کچھ کیا ہے۔ صوفیہ میری جڑواں بہن ہے۔ جب آپ کی بہن ملک کے لیے کچھ کرتی ہے تو یہ نہ صرف میرے لیے بلکہ دوسروں کے لیے بھی ترغیب ہوتی ہے۔ وہ اب صرف میری بہن نہیں بلکہ پورے ملک کی بہن ہے۔کرنل صوفیہ کی بہن کے علاوہ ان کے بھائی سنجے قریشی نے بھی کہا کہ جب وزیر اعظم مودی یہاں آئے تو یہ ایک شاندار لمحہ تھا۔ ہم انہیں پہلی بار دیکھ پائے۔ اشاروں سے انہوں نے ہمارا استقبال قبول کیا۔ میں ملک کی دفاعی افواج اور حکومت ہند کو شکریہ ادا کرتا ہوں جنہوں نے میری بہن کو یہ موقع دیا۔ ایک خاتون ان خواتین کا بدلہ لے رہی ہیں جنہوں نے اتنا کچھ برداشت کیا۔
اس دوران وزیر اعظم نریندر مودی نے داہود میں ہندوستانی ریلوے کے لوکوموٹیو مینو فیکچرنگ پلانٹ کا افتتاح کرتے ہوئے الیکٹرک انجنوں کو ہری جھنڈی دکھائی۔ لوکوموٹیو مینو فیکچرنگ پلانٹ گھریلو مقاصد اور برآمدات کے لیے 9000 ایچ پی کے الیکٹرک انجنوں کی پیداوار کرے گا۔ یہ انجن ہندوستانی ریلوے کی مال ڈھلائی صلاحیت کو بڑھانے میں مدد کرے گا۔دورہ کے مطابق وزیر اعظم مودی آج بھج جائیں گے اور شام تقریبا 4 بجے بھج میں 53400 کروڑ روپے سے زیادہ کی لاگت والے کئی ترقیاتی منصوبوں کا سنگ بنیاد رکھیں گے اور افتتاح کریں گے۔ اس دوران وہ ایک عوامی تقریب کو خطاب بھی کریں گے۔ اس کے علاوہ وزیر اعظم گاندھی نگر جائیں گے اور 27 مئی کو صبح قریب 11 بجے گجرات شہری ترقیات کی 20ویں سالہ تقریب میں حصہ لیں گے اور شہری ترقی سال 2025 کا آغاز کریں گے۔
