وادی کے تیز گیند باز مجتبیٰ کی تربیت بنگلوار میں ہوگی

سرینگر// جنوبی کشمیر کے بجبہاڑہ سے تعلق رکھنے والے نوجوان کرکٹ کھلاڈی و تیز گیند بازمجتبیٰ یوسف کا 16 برسوں سے کم عمر والے کھلاڑیوں کے کرکٹ اکیڈمی کے کوچنگ کیمپ میں ا نتخاب عمل میں ہوا۔ شمالی ریاست بنگلور میں نیشنل کرکٹ اکیڈمی کا یہ کوچنگ کیمپ21اگست سے شروع ہو رہا ہے،جس میں انڈر16کے25کھلاڈی شرکت کر ئے گے۔ انٹر زون کرکٹ مقابلے میں بہترین کارکردگی پیش کرنے کے بعد مجتبیٰ یوسف کو 16برسوں سے کم عمر کے کھلاڑیوں کیلئے شروع کئے جانے والے کوچنگ کیمپ میں منتخب کیا گیا۔شمالی زون کیلئے کھیلنے والے مجتبیٰ یوسف میں اس مقابلے کے دوران بہترین کارکردگی کا مظاہرہ کرتے ہوئے ایک میچ میں4کھلاڑیوں کو آوٹ کیا جبکہ دوسرے میچ میں2وکٹیں حاصل کی۔اس سے قبل انہوں نے انڈر16کرکٹ مقابلے میں جموں کشمیر کیلئے کھیلتے ہوئے بہترین بولنگ کا مظاہرہ کرتے ہوئے اپنی تیز گیند بازی سے بلے بازوں کو چونکا دیا۔اس سلسلے میں بجبہاڑہ کے گورنمنٹ ہائر اسکینڈری اسکول کے میدان میں ایک اعزازی تقریب منعقد وئی جس کے دوران مجتبیٰ یوسف کو مبارکبادی پیش کرتے ہوئے ان کے ہنر اور فن کو سراہا گیا۔اس موقعہ پر دیگر کھلاڑیوں کے علاوہ مایہ ناز سپینر پرویز رسول بھی موجود تھے۔بجبہاڑہ سپورٹس کلب نے ایک بیان میں کہا’’ اپنی عمر کے زمرے میں اعلیٰ سطح پر کھیلنے کیلئے مجتبیٰ یوسف نے ہمارا سر فخر سے اونچا کیا جبکہ اس دوران جہاں انہوں نے شمالی زون میں اپنی بہترین کارکردگی کا لوہا منوایا،وہی نیشنل اکیڈمی کے کوچنگ کیمپ کیلئے منتخب ہونا کوئی معمولی اعزاز نہیں ہے‘‘۔بجبہاڑہ سپورٹس کلب نے ریاست کو مایہ ناز کرکٹ کھلاڑی  دئیے ہیں جن میں عبدالقیوم بھگو،پرویز رسول ،عاقب میر اور آصف رسول شامل ہے۔اس دوران مایہ ناز کرکٹ کھلاڑی پرویز رسول نے مجتبیٰ یوسف کو جموں کشمیر کرکٹ کا مستقبل قرار دیتے ہوئے کہا کہ اور قومی سطح پر اپنا نام بنانے کی صلاحت رکھتے ہیں۔انہوں نے کہا’’ مجتبیٰ یوسف با صلاحت اور ہونہار کھلاڑی ہے اور معقول انداز میں سمت دینے اور حوصلہ افزائی کرنے کی ضرورت ہے‘‘۔انہوں نے کہا کہ نیشنل کرکٹ اکیڈمی  میں وہ بہت کچھ سیکھ جائے گا۔پرویز رسول نے کہا’’ میں نے مجتبیٰ کو کافی کم عمری سے کھیلتے ہوئے دیکھا ہے،وہ محنت کش ہے،اور جہاں بھی اس کو موقع مل گیا اس نے اپنی صلاحتوں کو دکھا دیا۔