سرینگر؍سٹیٹ سپورٹس کونسل کے زیر اہتمام منعقدہ جونیر کرکٹ چیمپین شپ کا فائنل میچ آج سمبل اور زین پورہ شوپیاں کی ٹیموں کے مابین کھیلا گیا ۔ دہلی پبلک سکول کے اشتراک سے منعقدہ اپنی نوعیت کے پہلے ٹورنامنٹ میں وادی کی 320 ٹیموں نے شرکت کی جس دوران 4800 کھلاڑیوں نے ٹورنامنٹ میں شرکت کر کے 319 میچ کھیلے ۔ وزیر اعلیٰ محبوبہ مفتی نے آج فائنل میچ کے کچھ لمحات کا مشاہدہ کیا ۔ انہوں نے کھلاڑیوں کے ساتھ بات چیت بھی کی اور اُن کا حوصلہ بڑھایا ۔ اس موقعہ پر امور نوجوان و کھیل کود کے وزیر مولوی عمران رضا انصاری ، ارکان قانون سازیہ اعجاز احمد میر اور رضا منظور ، امور نوجوان و کھیل کود محکمہ کے سیکرٹری ہلال احمد پرے ، ضلع ترقیاتی کمشنر سرینگر ڈاکٹر فاروق احمد لون ، ریاستی سپورٹس کونسل کے سیکرٹری وحید الرحمان پرا اور بڑی تعداد میں کھیل شایقین بھی موجود تھے ۔
وادی بھر کی 320 ٹیموں نے کرکٹ ٹورنامنٹ میں شرکت کی
