سرینگر/وادی بھر میں کم سے کم درجہ حرارت نقطہ انجماد سے نیچے آگیا ہے اور سنیچر کو محکمہ موسمیات نے کہا کہ سردی کی لہر جاری رہے گی۔
محکمہ کے مطابق وادی کشمیر میں کم سے کم درجہ حرارت نقطہ انجماد سے نیچے درج کیا گیا ہے اور یہ سلسلہ آنے والے دو یا تین دنوں تک جاری رہے گا۔
سرینگر میں رات کا درجہ حرارت منفی0.6ڈگری سیلشیس، پہلگام میں منفی4.6 جبکہ گلمرگ میں منفی7.6ڈگری سیلشیس ریکارڈ کیا گیا۔
یہی حال لداخ خطے کا بھی ہے جہاں لیہہ میں درجہ حرارت منفی8.8ڈگری سیلشیس تک گر گیا اور کرگل کا درجہ حرارت منفی7.6ریکارڈ کیا گیا۔
جموں میں تاہم کم سے کم درجہ حرارت 8.7ڈگری سیلشیس ریکارڈ کیا گیا۔
