عظمیٰ نیوزسروس
جموں//وائٹ نائٹ کور کے جنرل آفیسر کمانڈنگ لیفٹیننٹ جنرل پی کے مشرا نے جمعہ کو جموں و کشمیر کے راجوری ضلع کا دورہ کیا تاکہ آپریشنل تیاریوں اور سیکٹر میں موجودہ سیکورٹی صورتحال کا جائزہ لیا جا سکے۔انہوں نے فوجیوں پر زور دیا کہ وہ اعلیٰ تیاری برقرار رکھیں اورجڑواں سرحدی اضلاع میں آپریشنل ماحول پر غلبہ حاصل کرنا۔وائٹ نائٹ کور نے ایکس پر ایک پوسٹ میں کہا، “جی او سی وائٹ نائٹ کور نے سیکٹر میں آپریشنل تیاریوں اور موجودہ سیکیورٹی ڈائنامکس کا جائزہ لینے کے لیے رومیو فورس کے ہیڈ کوارٹر کا دورہ کیا”۔جی او سی نے پونچھ اور راجوری کے حساس علاقوں میں رومیو فورس کی طرف سے کی گئی مسلسل اور جارحانہ انسداد دہشت گردی کی کارروائیوں کی ستائش کی۔انہوں نے کہا کہ “اعلیٰ تیاری کو برقرار رکھنے اور آپریشنل ماحول پر غلبہ حاصل کرنے پر توجہ مرکوز رکھی گئی ہے‘‘۔رومیو فورس راشٹریہ رائفلز کا ایک ڈویژن ہے جو جموں و کشمیر میں راجوری اور پونچھ کے جڑواں سرحدی اضلاع میں عسکریت پسندی کے خلاف کارروائیوں میں مصروف ہے۔
