ایجنسیز
کھٹمنڈو// نیپال کے ضلع کاورے پالانچوک میں جمعہ کے روز ایک مسافر بس گہری کھائی میں جا گری، جس کے نتیجے میں 8 افراد ہلاک جبکہ 16 دیگر زخمی ہو گئے۔پولیس کے مطابق یہ بس بنیپا سے روشی دیہی میونسپلٹی کے علاقے سنگورے جا رہی تھی کہ بنیپا-بردیباس (بی پی) شاہراہ پر بچھاکوٹ کے قریب واقع سیلفی ٹیلے کے مقام پر حادثے کا شکار ہو گئی۔ یہ مقام کھٹمنڈو سے تقریباً 60 کلومیٹر مشرق میں واقع ہے۔حادثے کے وقت بس میں 24 مسافر سوار تھے۔ بس پہاڑی سڑک سے تقریباً 200 میٹر گہری کھائی میں جا گری۔ حادثے کی وجوہات فوری طور پر معلوم نہیں ہو سکیں۔پولیس کے مطابق زخمی مسافروں کو دھولی خیل اسپتال منتقل کیا گیا ہے، جہاں ان کا علاج جاری ہے۔
