سرینگر/جموں کشمیر نیشنل کانفرنس کے لیڈر دیوندر سنگھ رانا نے منگل کو دعویٰ کیا کہ اُن کی پارٹی آنے والے اسمبلی انتخابات میں57سیٹیں حاصل کرنے کا 1996کا ریکارڈ توڑ کرریاست میں ایک مضبوط سرکار بنائے گی۔
نیشنل کانفرنس کے صوبائی صدر ،رانا جموں میں ایک پریس کانفرنس کے دوران اظہار خیال کررہے تھے۔
انہوں نے کہا''نیشنل کانفرنس نے1996میں وادی کی39،جموں کی15،اور لداخ کی3سیٹیں حاصل کی تھیں ۔اب ہماری پارٹی آنے والے الیکشن میں یہ ریکارڈ بھی توڑے گی''۔
انہوں نے بی جے پی کی شدید تنقید کرتے ہوئے کہا کہ مذکورہ پارٹی کو یاد رکھنا چاہئے کہ نیشنل کانفرنس نے جموں اور لداخ خطوں میں حالیہ پارلیمانی الیکشن نہیں لڑا تھا جس کی وجہ سے اُسے بعض حلقوں میں برتری مل گئی۔
انہوں نے کہا کہ جموں کو بھاجپا حکومت کے دوران بری طرح متاثر ہونا پڑا ہے۔
