جموں//سرکاری اسکولوں میں معیاری تعلیم کو بہتر بنانے کے لئے حکومتی سطح پر متحدد اقدام اٹھائے جانے کے باوجود تعلیمی نظام کی صورتحال مایوس کن ہے جس کا اندازہ نگروٹہ تحصیل کی پنچائت جگٹی کے خستہ حال گورنمنٹ پرائمری اسکول جاڑی کی حالت زار سے لگایا جاسکتا ہے مقامی لوگوں نے بتایا کہ متذکرہ بالااسکول کی کوئی چار دیواری نہ ہونے کی وجہ سے مال مویشی اکثراسکول کے برآمدہ میںداخل ہوکر گوبر کردیتے ہیں جو کہ اسکول میںزیر تعلیم چھوٹے چھوٹے بچوں کو اُٹھانا پڑتا ہے اور اسکول کی عمارت کے ساتھ کنواں کا گندہ پانی جمع ہونے کی وجہ سے زبردست گندگی پھیلنے کی وجہ سے ہر طرف مچھر ہی مچھر ہیں جس سے اسکول میں زیر تعلیم بچوں کو مہلک بیماری کا سامنا کرنا پڑ سکتا ہے اس ضمن میں بچوں کے والدین محکمہ تعلیم کی نہ تسلی بخش کارکردگی سے مایوس کُن ہیں مقامی لوگوں نے بتایا کہ اسکول میں زیر تعلیم اسکولی بچوں کے لئے جو بیت الخلا تعمیر کئے گئے ہیںان میں پانی وغیرہ کا کوئی انتظام نہ ہونے کی صورت میں چھوٹے چھوٹے بچوں کو رفع حاجت کے لئے بھی دردر کی ٹھوکریں کھانی پڑتی ہیںجس سے مرکزی سرکار کی طرف سے سوچھ بھارت کے نعرہ کی پول کھلتی ہے۔ جس کی وجہ سے اسکول میں زیر تعلیم بچوں کو بھاری مشکلات کا سامنا ہے ۔مقامی لو گوں نے سرکار سے خصوصی طور پرمطالبہ کیاہے کہ مندرجہ بالا اسکول میں درپیش مشکلات کا فوری اُجالا کیا جائے بصور ت دیگر لوگ سڑکوں پر اُترنے کے لئے مجبور ہوجائیں گے۔
نگروٹہ کے سرکاری اسکولوں کی کارکردگی مایوس کن
