جموں//رکن اسمبلی نگروٹہ وصوبائی صدرنیشنل کانفرنس دویندرسنگھ رانانے کہاکہ میرامشن نگروٹہ کے لوگوں کی خدمت کرناہے اوراس سلسلے میں میرے حوصلے بلندہیں۔ان خیالات کااظہار رکن اسمبلی نگروٹہ دویندرسنگھ رانانے ڈھوک وزیراں میں تارکول بچھانے کے کام کاجائزہ لیتے ہوئے کیا۔اس دوران ایم ایل اے نے چارلاکھ روپے کی لاگت سے شمشان گھاٹ پرخواتین کے لئے غسل خانہ ، ڈیڑھ لاکھ روپے کی لاگت سے کمیونٹی ہال اوربارہ لائنوں کی تعمیرکےلئے رقومات واگذارکرنے کااعلان کیا۔انہوں نے کہاکہ لوگوں کی مشکلات کودورکرنے کیلئے اقدامات اٹھائے جارہے ہیں اورحلقے کے ہرعلاقے کی تعمیروترقی یقینی بنائی جارہی ہے۔ا س دوران مختلف وفودنے بھی راناسے ملاقات کی اورانہیں اپنے مسائل کی جانکاری دی۔انہوں نے کہاکہ لوگوں کو مختلف سکیموں کے فوائد سے مستفیض کرنے کیلئے ان میں بیداری عام کی جارہی ہے۔انہوں نے کہاکہ تعمیروترقی کیلئے تعمیراتی ایجنسیوں کو وقت مقررہ کے اندر کاموں کی تکمیل کیلئے ہدایات جاری کی گئی ہیں۔انہوں نے کہاکہ برسات کے موسم میں ڈھانچے کے ہوئے نقصانات کی بھرپائی کیلئے اقدامات اٹھائے جارہے ہیں۔رانانے کہاکہ بجلی اورپانی کی سپلائی کے نظام کونگروٹہ حلقے میں بہتربنایاجارہاہے۔رانانے کہاکہ نگروٹہ حلقہ کوہمہ جہت تعمیروترقی سے ہمکنارکرنامیرامشن ہے۔ انہوں نے کہاکہ گریٹرجموں کے خواب کی تکمیل نگروٹہ کے لوگوں کوبہترسہولیات میسرکرواکرکی جائے گی۔انہوں نے کہاکہ نگروٹہ حلقہ میں گریٹرجموں کی بھرپورصلاحیت موجودہے۔دورے کے دوران رانانے انتظامیہ کے افسران کولوگوں کے مسائل کاازالہ کرنے کی ہدایت دی۔
نگروٹہ حلقہ کوہمہ جہت ترقی سے ہمکنارکرنامیرامشن:رانا
