پرویز احمد
سرینگر // اتوار کو رواں ماہ میں تیسری مرتبہ کورونا وائرس سے جموں و کشمیر میں کوئی بھی شخص متاثر نہیں ہوا ہے۔ اس سے قبل 6اور 7نومبر کو جموں و کشمیر میں کسی کی رپورٹ مثبت نہیں آئی تھی۔ متاثرین کی مجموعی تعداد 4لاکھ 79ہزار 319ہوگئی ہے۔ اس دوران جموں و کشمیر میں 45ویں دن بھی کورونا وائرس سے کسی کی موت نہیں ہوئی ہے۔ متوفین کی مجموعی تعداد 4785بنی ہوئی ہے۔ محکمہ صحت کی جانب سے فراہم کئے گئے اعداد و شمار کے مطابق جموں و کشمیر میں اتوار کو کورونا وائرس کی تشخیص کیلئے2779ٹیسٹ کئے گئے جن میں کسی کی رپورٹ مثبت نہیں آئی ہے۔ کشمیر صوبے کے 10اضلاع جن میں سرینگر، بارہمولہ، بڈگام،پلوامہ، کپوارہ، اننت ناگ، بانڈی پورہ، گاندربل ، کولگام اور شوپیاں میں کسی کی رپورٹ مثبت نہیں آئی ہے۔ کشمیر صوبے میں متاثرین کی مجموعی تعداد 3لاکھ 5ہزار274ہوگئی ہے۔ اس دوران وادی میں مسلسل 80ویں دن بھی کورونا وائرس سے کسی کی موت نہیں ہوئی ہے۔ متوفین کی مجموعی تعداد 2433بنی ہوئی ہے۔ جموں صوبے کے 10اضلاع جن میں ضلع جموں، ادھمپور، راجوری، پونچھ، ڈوڈہ، کٹھوعہ، کشتواڑ، سانبہ، رام بن اور ریاسی میں کسی کی رپورٹ مثبت نہیں آئی ہے۔ جموں صوبے میں متاثرین کی مجموعی تعداد 2352بنی ہوئی ہے۔ جموں صوبے میں مسلسل 45ویں دن بھی کسی کی موت نہیں ہوئی ہے۔ متوفین کی مجموعی تعداد 2352بنی ہوئی ہے۔
