رمیش کیسر
نوشہرہ //ضلع راجوری کی سب ڈویژن نوشہرہ کے علاقہ راجال میں ایک افسوسناک سڑک حادثہ اس وقت پیش آیا جب ایک ایکو گاڑی (رجسٹریشن نمبر JK11B 7378) سڑک سے پھسل کر گہری کھائی میں جاگری۔حادثے میں گاڑی میں سوار دو نوجوان، جن کی شناخت محمد شوکت اور ابرار احمد کے طور پر ہوئی ہے، زخمی ہو گئے۔زخمیوں کو فوری طور پر مقامی لوگوں کی مدد سے نوشہرہ سب ڈسٹرکٹ ہسپتال منتقل کیا گیا، جہاں ان کا علاج جاری ہے۔پولیس نے واقعے کی قانونی کارروائی شروع کر دی ہے اور حادثے کی وجوہات جاننے کے لئے تحقیقات جاری ہیں۔
