نواز شریف کے علاج کا معاملہ

اسلام آباد//پاکستان کے سابق وزیر اعظم نواز شریف کی صحت کے معاملہ پر حکومت اور پاکستان مسلم لیگ (نواز) آمنے سامنے ہیں۔ نواز شریف کی بیٹی مریم نواز کا کہنا ہے کہ گزشتہ پانچ دن سے ان کے والد کے بارے میں کوئی معلومات نہیں ملی ہے جبکہ وزیر اطلاعات فواد چودھری نے کہا ہے کہ مریم روزانہ سابق وزیر اعظم سے ملاقات کر رہی ہیں۔ مسٹر چودھری نے بتایا کہ مریم روزانہ والد سے ملاقات کر رہی ہیں تاہم ہفتہ اور اتوار کو چھٹی ہونے کی وجہ سے وہ نہیں مل پائی ہوں گی۔ مریم نے پیر کو کہا تھا کہ پانچ دن سے انہیں باپ کی صحت کے بارے میں کوئی اطلاع نہیں ملی ہے ۔ انہوں نے کہا کہ کوٹ لکھپت جیل میں سزا کاٹ رہے نواز شریف سے ملاقات کرنے کی اجازت کا انتظار کر رہی ہیں۔ تین بار پاکستان کے وزیر اعظم رہے نواز شریف گزشتہ سال دسمبر سے بدعنوانی کے معاملہ میں جیل میں بند ہیں۔مسٹر چودھری نے کہا’’حکومت نواز شریف کو علاج کے لئے لندن نہیں بھیج رہی ہے ۔ پنجاب حکومت نے پوری کارڈک یونٹ کو اسپتال میں ہی بھیج دیا ہے ‘‘۔