باندھے سماں ہے سُخن
کہتے ہیں عُشاقؔ کا نہایت گِراں ہے سُخن
در پردئہ بیان یہ گوہر فشاں ہے سُخن
نقادِ فن ڈھونڈ لے الفاظ کا معنیٰ
راحت رساں اور یہ کیفِ نہاں ہے سُخن
حیران ہوں میں آجکل اپنی ہی طبع پہ
جیسے کہ میرے ذہن میں سیلِ رواں ہے سخن
آمد سے ہوں میں آشنا آورد سے محروم
لکھتا ہوں جو بھی وجد میں باندھے سماں ہے سخن
احوال میرے حاسدوں کا مجھ سے پوچھئے
اُن کیلئے تو باعثِ تیرو کماں ہے سُخن
اب ساعتِ عیش و طرب مُطلق نہیں نصیب
آشفتگی کا دور ہے آہ و فغاں ہے سُخن
جو کچھ بھی ہے جتنا بھی ہے کافی عُشاقؔ ہے
جتنا بھی لکھا مان یہی بیکراں ہے سخن
عُشاق کشتواڑی
صدر انجمن ترقی اُردو (ہند) شاخ کشتواڑ
موبائل نمبر؛9697524469
کنگن
صدا دل کی سناتے ہیں کسی انجان کے کنگن
مجھے ہر دم بُلاتے ہیں کسی مہمان کے کنگن
بڑا نازک بدن اس کا ،سیہ رخسار پر تل ہے
سمندر کے کنارے پر کسی ارمان کے کنگن
کمر پربوجھ لگتاہے ٹپکتا زلفوں کا پانی
بڑے دل ساز لگتے ہیں وہ جانِ جان کے کنگن
مری راتوں میں آ کر کے مجھے اکثر جگاتے ہیں
مجھے لوری سناتے ہیں مری جا نا ن کے کنگن
ابھی پورے بھی ہونے ہیں سجائے ساتھ جو سپنے
بڑے ارمان سے پالے ہیں نازک جان کے کنگن
محبت نام ہے کس کا کہاں معلوم ہے سب کو
پلائے اشکوں کے پیالے کسی نادان کے کنگن
محبت آزما نے کو لگانا روگ لازم ہے
بنائے زندگی آساں دلِ نادان کے کنگن
تری پروازؔ باقی ہے امنگوں کی فضاؤں میں
کھلیں گے پھول بن کر کب ترےارمان کے کنگن
جگدیش ٹھاکر پروازؔ
ساکنہ لوپارہ دچھن ضلع کشتواڑ
موبائل نمبر؛9596644568
