عازم جان
بانڈی پورہ // ’نشہ سے پاک جموں کشمیر‘ مہم کے ایک حصے کے طور پر ڈپٹی کمشنر بانڈی پورہ کی ہدایت پر پیرکو ضلع انتظامیہ بانڈی پورہ نے آئی سی ای سی (معلومات ، تعلیم ، اور مواصلات)، کے ذریعے منشیات سے پاک طرز زندگی آگہی پروگرام کا اہتمام کیا۔ اس آگاہی پروگرام کے دوران ، متعلقہ محکموں نے معاشرے پر منشیات کے غلط استعمال کے گہرے اثرات کو اجاگر کیا ۔ انہوں نے نوجوانوں پر زور دیا کہ وہ منشیات کے خطرے سے نمٹنے میں فعال کردار ادا کریں اور روک تھام ، بحالی اور نفاذ سے متعلق حکومت کے کثیر جہتی نقطہ نظر پر کاربند رہیں۔گامرو ، بانڈی پورہ میں اسسٹنٹ کمشنر ریونیو بانڈی پورہ شبیر احمد وانی نے ایک آئی ای سی پروگرام کی صدارت کی جس میں مقامی لوگوں کی طرف نے پْرجوش شرکت کی۔ انہوں نے منشیات کے استعمال کو روکنے میں کمیونٹی کی نگرانی اور نوجوانوں کی مشغولیت کی اہمیت پر زور دیا ، اور ایک محفوظ اور صحت مند مستقبل کی تعمیر کے لئے نچلی سطح پر اجتماعی کارروائی کی حوصلہ افزائی کی۔ڈسٹرکٹ انفارمیشن آفیسر بانڈی پورہ ، پنچایت حلقہ کینوسہ میں منعقدہ ایک اور موثر پروگرام میں ، عادل منظور وانی نے شرکاء سے خطاب کیا اور منشیات کی لت سے نمٹنے کے لئے معاشرے کی اجتماعی ذمہ داری پر زور دیا۔ انہوں نے نوجوانوں کو منشیات کے استعمال کوروکنے کیلئے رہنمائی کرنے کی ترغیب دی اور ایک طاقتور پیغام کے ساتھ یہ نتیجہ اخذ کیا،’زندگی بنانے کے لئے زنجیر کو توڑ دو ، معاشرے کو منشیات سے پاک بنائیں۔مختلف محکموں کے ماہر افراد نے اس مہم میں حصہ لیا۔ منشیات کے استعمال کے جسمانی ، نفسیاتی اور معاشرتی نتائج پر بات کرتے ہوئے ، شرکا کو دستیاب سپورٹ سسٹم اور بحالی کی سہولیات کے بارے میں آگاہ کیا۔
