سرینگر// ڈل جھیل اور اس کے گرد ونواح میں ناجائز تجاوزات ہٹانے کی مہم کوجاری رکھتے ہوئے لیکس اینڈ واٹر ویز ڈیو لپمنٹ اتھارٹی (LAWDA) نے بدھ کو 5ڈھانچے منہدم کئے ۔لائوڈا کے انفورسمنٹ آفیسر کی ہدایت پر مسماری ٹیم نے نشاط،نگین ،سعدہ کدل ،حبک میں غیر قانونی طور تعمیر کئے جارہے ڈھانچوں کو منہدم کیا۔ لاوڈا کے ایک ترجمان نے کہا کہ محکمہ عدالتی احکامات کے تحت من وعن زمینی سطح پر متحرک ہے اورانہدامی مہم جاری رہے گی۔لیکس اینڈ واٹر ویز ڈیو لپمنٹ اتھارٹی نے ڈل اور نگین جھیلوں کے گرد و نواح میں غیر قانونی طور ڈھانچے تعمیر کرنے والوں کو متنبہ کیا ہے کہ وہ اپنی حرکتوں سے باز آئیں ۔اتھارٹی نے ایسے ٹرک اور ٹپر مالکان کو بھی وارننگ دی ہے کہ وہ ان علاقوں میں غیر قانونی طور تعمیراتی میٹریل نہ ڈالا کریں ۔لیکس اینڈ واٹر ویز ڈیو لپمنٹ اتھارٹی نے 2017تک گرین بیلٹ میں غیر قانونی طور تعمیر کئے گئے 460ڈھانچوں کو منہدم کیا جبکہ مرتکب افراد کے خلاف506ایف آئی آر درج کئے گئے ۔اس کے علاوہ61ایسی گاڑیوں کو ضبط کیا گیا جو گرین بیلٹ علاقہ میں غیر قانونی طور تعمیراتی میٹریل لے جاتی تھیں ۔
نشاط،نگین ،سعدہ کدل ،حبک میں5 ڈھانچے منہدم
