ترال// جنوبی ضلع پلوامہ میں ترال کے مشہور صحت افزا مقام ناگہ بیرن میں سنیچر کی صبح فورسز اور جنگجووں کے درمیان مسلح تصادم آرائی شروع ہوگئی ہے۔
ذرائع نے بتایا کہ یہ تصادم علاقے میں تلاشی آپریشن کے دوران صبح سویرے شروع ہوگیا اور اس آپریشن میں فوج ، پولیس اور سی آر پی ایف اہلکار شامل ہیں۔
یہ علاقہ حاجن ستورہ ترال سے قریب 25 کلو میٹر دور ہے جہاں چند ہفتے قبل ایسی ہی ایک جھڑپ ہوئی تھی اورجس میں پولیس کے مطابق ایک پاکستانی جنگجو لمبو مارا گیا تھا جس کا تعلق جیش سے تھا۔
پولیس نے ناگہ بیرن ترال میں معرکہ آرائی شروع ہونے کی تصدیق کرتے ہوئے کہا کہ ”آپریشن جاری ہے“۔
