سمت بھارگو
راجوری//ریاستی تحقیقاتی ایجنسی (ایس آئی اے) نے منشیات کے دہشت گردی کے ماڈیول میں شامل ایک شخص کو گرفتار کرکے ایک بڑی کامیابی حاصل کی ہے جسے اس کیس میں کلیدی ملزم سمجھا جاتا ہے۔نارکو ٹیرر ماڈیول بیرون ممالک سے چلایا جا رہا ہے اور اس معاملے میں اب تک چھ گرفتاریاں ہو چکی ہیں۔اس سے قبل اس معاملے میں پانچ ملزمان کو گرفتار کیا گیا تھا جس میں و ہ ایک گرفتاری بھی شامل ہے جو چند ہفتے قبل دہلی سے کی گئی تھی جبکہ چار دیگر افراد کو اس سال 30 مئی کو پونچھ میں لائن آف کنٹرول (ایل او سی) پر گرفتار کیا گیا تھا۔ایک سرکاری بیان میں ریاستی تفتیشی ایجنسی (ایس آئی اے) نے اہم ملزم محمد اقبال کی گرفتاری کے بارے میں بتایا جو کہ پولیس اسٹیشن پونچھ میں ایف آئی آر 69/23 میں درج نارکو دہشت گردی میں مطلوب تھا۔اس شخص کو ایس آئی اے نے ہماچل پردیش کے منڈی ضلع سے گرفتار کیا ہے۔ ایف آئی آر 69/23 میں مقدمہ 30 مئی 2023 کو درج کیا گیا تھا جب پونچھ میں سرحدی کے پار بھارت میں منشیات اور دھماکہ خیز مواد کو اسمگل کرنے کی ایک نارکو ٹیرر ماڈیول میں چار ساتھیوں کی طرف سے کوشش کی گئی تھی۔
ایس آئی اے نے بتایا کہ ملزمان کو سکھ ایل آئی کے فوجی دستوں نے روکا جس پر فائرنگ کا تبادلہ ہوا جس میں ایک فوجی اور ایک دہشت گرد زخمی ہوا۔ملزمان کو اسلحہ، گولہ بارود، آئی ای ڈیز اور ہیروئن کے ذخیرہ کے ساتھ فوری طور پر گرفتار کیا گیا جبکہ ایف آئی آر 69/2023 میں پولیس اسٹیشن پونچھ میں مقدمہ درج کیا گیا جسے بعد ازاں تفتیش کے لئے ایس آئی اے جموں منتقل کردیا گیا۔ایس آئی اے نے اپنے سرکاری بیان میں انکشاف کیا ہے کہ تحقیقات پر یہ بات سامنے آئی کہ چار افراد کے گروپ میں سے ایک شخص جس کی شناخت محمد اقبال ولد سلیم دین سکنہ کرماڑہ پونچھ کے طور پر ہوئی ہے، فوجی دستوں اور اس ماڈیول کے ارکان کے درمیان فائرنگ کے تبادلے کے بعد موقع سے فرار ہو گیا تھا۔ ایس آئی اے نے کہاکہ تکنیکی نگرانی اور انسانی انٹیلی جنس پریہ پتہ چلا کہ محمد اقبال ہماچل پردیش کے منڈی ضلع میں چھپا ہوا تھا جہاں ایس آئی اے کی ایک ٹیم نے کارروائی کر کے اُس کو گرفتار کرلیا ۔اس سے قبل کیس کی تفتیش کے دوران ایک شخص محمد لیاقت کا نام سامنے آیا تھا جسے گرفتار بھی کیا گیا ہے۔واضح رہے کہ 19 اگست 2023 کو اس گروپ کے ہینڈلر محمد جاوید کو، جو کہ مفرور تھا، کو ایس آئی اے جموں نے دہلی میں ایک آپریشن کے دوران گرفتار کیا تھا، جس کے نتیجے میں 25 تاریخ کو ایک اور شریک سازشی محمد لیاقت کو گرفتار کیا گیا تھا۔ایجنسی نے مزید کہا کہ یہ نارکو ٹیرر ماڈیول بیرونی ممالک سے چلایا جا رہا ہے اور آگے کے ساتھ ساتھ پسماندہ روابط کی بھی چھان بین کی جا رہی ہے۔
