یواین آئی
اسٹوانگر/ناروے شطرنج 2025 کے آٹھویں راؤنڈ میں امریکی گرینڈ ماسٹر ہکارو ناکامورا نے موجودہ عالمی چیمپئن ڈومراجو گوکیش کو ہرایا۔ناکامورا نے شروعات میں ہی زوردار حملہ کر کے برتری حاصل کی اور شاندار کھیل کا مظاہرہ کرتے ہوئے گوکیش کے خلاف جیت حاصل کرنے میں کامیاب رہے ۔ اس جیت کے ساتھ ناکامورا نے پورے تین پوائنٹس حاصل کیے ۔اس دوران ارجن ایریگائیسی اور فیبیانو کاروانا نے ایک طویل اور سخت مقابلہ کھیلا۔ ایسا لگ رہا تھا کہ کاروانا کا پلڑا بھاری رہے گا۔ کاروانا نے ایک فیصلہ کن غلطی کی جس کا فائدہ ارجن ایریگائیسی نے اٹھا کر پورے تین پوائنٹس جیت کر دوبارہ ٹائٹل کی دوڑ میں واپسی کر لی ہے ۔ٹورنامنٹ کے ابھی دو راؤنڈ باقی ہیں۔ گوکیش 11.5 پوائنٹس کے ساتھ تیسرے نمبر پر ہیں۔ ناکامورا 12.5 پوائنٹس کے ساتھ ابھی بھی سرفہرست ہیں۔
