سرینگر//نائب وزیراعلیٰ ڈاکٹر نرمل سنگھ نے مناسب لاگت والی تعمیراتی تیکنیک کو بروئے کار لانے پرزوردیا ہے تاکہ بڑھتی ہوئی قیمتوں کی نہج کے اثرات کو روکاجاسکے اورلوگوں کوبہتر متبادل فراہم کرنے کے علاوہ تیز ترمعاشی ترقی کویقینی بنایا جاسکے۔نائب وزیر اعلیٰ نے ان باتوں کا اظہار اکل بمنہ میں بلڈنگ سینٹر کا معائنہ کرنے کے دوران کیا۔اُن کے ہمراہ مکانات اورشہری ترقی کی وزیر مملکت آسیہ نقاش بھی تھیں۔اس موقعہ پر نائب وزیراعلیٰ نے کہا کہ مناسب لاگت والی ٹیکنالوجی کا استعمال وقت کی اہم ضرورت ہے تاکہ لوگ اُن کی اسطاعت کے مطابق مکانات تعمیر کرسکیں۔انہوںنے کہا کہ جدید تیکنیکی طریقہ کار سے تعمیراتی سرگرمیوں کے دوران نہ صرف لاگت میں معقولیت آئے گی بلکہ ماحولیاتی تقاضوں کو بھی پورا کیا جاسکے گا۔نائب وزیر اعلیٰ نے ڈائریکٹر بلڈنگ سینٹرس پر زوردیا کہ وہ تعمیراتی سرگرمیوں میں مصروف لوگوں کو نئے تعمیراتی تقاضوں اورٹیکنالوجی کے بارے میںجانکاری دیں تاکہ تعمیراتی کاموںمیں لاگت کم آسکے اوراُن کی کم سے کم وقت میں تکمیل یقینی بن سکے۔
بٹہ مالو ٹریڈرس کا وفد بھی ملاقی
سرینگر//بٹہ مالو بس سٹینڈ ٹریڈرس کارڈی نیشن کمیٹی کے وفد نے کل نائب وزیر اعلیٰ ڈاکٹر نرمل سنگھ کے ساتھ ملاقات کی اورانہیں بٹہ مالو سے پارمپورہ بس اڈہ کی منتقلی کے بعد پیش آئے مشکلات سے آگاہ کیا ۔اس موقعہ پر تعلیم کے وزیر سید الطاف بخاری ،ڈویژنل کمشنر بصیر احمد خان کے علاوہ دیگر کئی آفیسران بھی موجود تھے۔وفد نے بٹہ مالو میں تاجروں کو درپیش مشکلات اور مسائل کو حل کرنے کیلئے ایک میکنزم تیار کیا جانا چاہئے ۔نائب وزیر اعلیٰ نے ان کے مسائل کو بغور سنا اور انہیں یقین دلایا کہ تاجروں کو درپیش مشکلات کو دور کرنے کیلئے اقدامات اٹھائے جائیں گے ۔انہوں نے کہا کہ حکومت سماج کے ہر طبقے کی بہتری کیلئے وعدہ بند ہے اورتاجروں اور دیگر لوگوں کی فلاح و بہبود کیلئے متعدد سکیمیں شروع کی گئیں ہیں ۔
