سرینگر ؍؍نائب وزیراعلیٰ نے آج افسران کو ہدایت دی کہ وہ ماہ رمضان کے دوران عوام کو ضروری خدمات دستیاب رکھنے کے لئے مطلوبہ اقدامات کرنے کی ہدایت دی۔نائب وزیر اعلیٰ یہاں ایک جائزہ میٹنگ اور ویڈیو کانفرنسنگ میں ریاست میں ماہ رمضان کے لئے کئے گے اقدامات کا جائزہ لے رہے تھے۔مکانات و شہری ترقی کے کمشنر سیکرٹری ہردیش سنگھ ، کمشنر سیکرٹری محکمہ بجلی دھیرج گپتا ، ڈائریکٹر ارب لوکل باڈیز جموں / سرینگر اور دیگر کئی اعلیٰ افسران نے میٹنگ میں شرکت کی۔نائب وزیرا علیٰ نے افسران کو ریاست میں ماہ رمضان کے لئے انتظامات کو حتمی شکل دینے کیلئے قریبی تال میل کے ساتھ کام کرنے کی ہدایت دی تاکہ لوگوں کو مشکلات کا سامنا نہ کرنا پڑے۔ڈاکٹر سنگھ نے ارب لوکل باڈیز کے ناظمین کو قصبوں اور میونسپل علاقوں خصوصاً مساجد اور خانقاہوں کے ارد گرد صفائی ستھرائی کو یقینی بنانے کے احکامات دئیے۔انہوں نے کہا کہ اس مقصد کیلئے خصوصی سکارڈ تشکیل دئیے جانے چاہئے۔محکمہ بجلی کے افسران کو ماہ رمضان کے دوران معقول بجلی سپلائی فراہم کرنے کی ہدایت دیتے ہوئے نائب وزیر اعلیٰ نے کہا کہ اس ضمن میں خصوصی اقدامات کئے جانے چاہئیں تاکہ لوگوں کو سحری اور افطاری کے دوران بجلی کٹوتی کا سامنا نہ کرنا پڑے۔ ڈاکٹر سنگھ نے گرمائی زون کے مختلف علاقوںمیں خرب پڑے ٹرانسفارمروں کی فوری مرمت کے بھی احکامات دئیے۔صحت عامہ کے افسران اور پینے کا صاف پانی مہیا کرانے کی ہدایت دیتے ہوئے وزیر نے کہا کہ لوگوں کو اس سلسلے میں کسی بھی دقت کا سامنا نہیں ہونا چاہئے اور پانی کی قلت میں ٹینکروں کے ذریعے پانی کی سپلائی یقینی بنائی جانی چاہئے۔نائب وزیر اعلیٰ نے جموں اور سرینگر میونسپل کارپوریشنوں کے کمشنروں کو شہروں خصوصاً عبادت گاہوں کے ارد گرد بڑے پیمانے پر صفائی مہم دردست لینے کی ہدایت دی۔انہوںنے کالا بازاری ، ناجائز منافع خوری اور ذخیرہ اندوزی پر قابو پانے کے لئے خصوصی مارکیٹ چیکنگ سکارڈ تشکیل دینے کی بھی ہدایت دی۔
نائب وزیراعلیٰ کی افسران کے ساتھ میٹنگ اورویڈیوکانفرنسنگ
