عظمیٰ نیوز سروس
سرینگر //صرف 75 نائب تحصیلدار آسامیوں کے لیے بھرتی جموں و کشمیر سروسز سلیکشن بورڈ کے لیے بہت بڑا خزانہ بن گئی ہے۔بورڈ نے درخواست کی فیس میں امیدواروں سے 6.43کروڑ روپے سے زیادہ وصول کیے ہیںایک آر ٹی آئی کے استفسار کے ذریعے حاصل کردہ معلومات کے مطابق ہر فارم کی قیمت عام امیدواروں کے لیے 600روپے اور ریزرو کیٹیگری کے لیے 500 روپے ہے۔جمع کی گئی رقم سے پتہ چلتا ہے کہ ایک لاکھ سے زیادہ امیدواروں نے اسامیوں کے لیے درخواست دی تھی لیکن پچھلے مہینے بھرتی کے عمل کو ملتوی کرنے سے اب ان امیدواروں کو مشکلات کا سامنا ہے۔ ایک لاکھ سے زیادہ امیدوار 75اسامیوں کے لیے کوشاں ہیں ، جس سے بے روزگاری کے گہرے ہوتے ہوئے بحران کے بارے میں نشاندہی ہوتی ہے۔ یہ تعلیم یافتہ نوجوانوں کی مایوسی کی عکاسی کرتا ہے، جو ڈگریوں اور قابلیت کے باوجود، بہت کم مواقع سے محروم ہیں” ۔ بورڈ کے مطابق 9 جون کو محکمہ ریونیو میں نائب تحصیلدار کی 75 آسامیوں کے لیے امیدواروں سے 6,43,28,400 روپے فیس کے طور پر وصول کیے گئے۔پبلک انفارمیشن آفیسر،سروس سلیکشن بورڈنے 2 اگست کو اپنے جواب میں، انتخابی عمل کے اختتام سے قبل درخواستوں کی تعداد کے بارے میں معلومات کا اشتراک کرنے سے انکار کر دیا، لیکن جمع کی گئی کل فیس کے بارے میں تفصیلات کا اشتراک کیا۔ہزاروں امیدواروں کے لیے، جن میں سے بہت سے مالی طور پر تنگ پس منظر سے تعلق رکھتے ہیں کیلئے جمع کردہ درخواست کی فیس کے لیے کوئی واپسی کی پالیسی نہیں ہے” ۔
