عظمیٰ نیوزسروس
کشتواڑ//ضلع کشتواڑ کے چھاتروعلاقے میں ایک افسوسناک واقعہ پیش آیا جہاں ایک ٹھیکیدارنئے تعمیر شدہ سٹیل پل سے گر کر جاں بحق ہوگیا۔ایک سرکاری عہدیدار نے بتایا کہ ٹھیکیدار، جو ڈوڈہ کا رہائشی تھا، چھاترو کشتواڑ میں نئی تعمیر شدہ سٹیل پل سے گرنے کے بعد موقع پر ہی دم توڑ گیا۔انہوں نے مزید کہا کہ واقعہ کی اطلاع ملتے ہی پولیس ٹیم موقع پر پہنچی اور نعش کو اپنی تحویل میں لے لیا۔ بعد ازاں متوفی کی شناخت شاکر احمد ساکن ڈوڈہ کے طور پر کی گئی۔
