سرینگر/عظمیٰ نیوز سروس/ صوبائی کمشنر کشمیر وجے کمار بدھوری کا کہنا ہے کہ سری نگر سمارٹ سٹی میں 100 سمارٹ گاڑیاں مرحلہ وار طریقے سے چالو کرنے کا سلسلہ 31اگست سے شروع ہوگا۔انہوں نے کہا کہ ان گاڑیوں سے عام لوگوں کو کافی فائدہ ہوگا۔موصوف صوبائی کمشنر نے ان باتوں کا اظہار نامہ نگاروں کے ساتھ بات کرنے کے دوران کیا۔انہوں نے کہا’’سمارٹ سٹی میں 100 سمارٹ گاڑیاں چالو کی جائیں گی جن میں سے ایک سرخ رنگ کی گاڑی کی ٹرائل چل رہی ہے‘‘۔ان کا کہنا تھا’’یہ گاڑیاں مرحلہ وار طریقے سے شروع کی جائیں گی اور ہر مہینے تیس تیس گاڑیوں کا اضافہ کیا جائے گا۔بدھوری نے کہا کہ 31 اگست سے اس سروس کو وسیع پیمانے پر شروع کیا جائے گا۔انہوں نے کہا کہ اس سہولیت سے عام لوگوں کو کافی فائدہ پہنچے گا۔ان کا کہنا تھا کہ ان بسوں کی وساطت سے لوگ رات دیر گئے تک کسی بھی دقت کے بغیر سفر کر سکیں گے۔انہوں نے کہا کہ ان گاڑیوں کے لئے نئے بس سٹینڈ بھی بنائے گئے ہیں اور چارچنگ پوائنٹس قائم کئے جارہے ہیں۔
