میچ فکسنگ میں ملوث کھلاڑی اپنا کیریئر ختم سمجھیں

لاہور//چیئرمین پی سی بی شہریار خان نے کہا ہے کہ ہماری ٹیم فٹنس اور فیلڈنگ کی وجہ سے دیگر ٹیموں سے بہت پیچھے رہ گئی ہے۔ کھلاڑیوں کی فیلڈنگ اور فٹنس نمبر ون ترجیح ہے اور بورڈ کی پالیسی ہے کہ اگر کوئی فٹنس کے کم ترین معیار پر پورا نہ اترتا ہو تو اسے قومی ٹیم کیلئے سلیکٹ نہیں کیا جائے گا۔’’کھلاڑیوں کو پھنسانے کیلئے نئے طریقے استعمال ہو رہے ہیں اور پتہ ہے کہ بکیز نے نئے طریقے نکال لئے ہیں‘‘۔ لاہور میں میڈیا سے گفتگو کرتے ہوئے انکا کہنا تھا کہ کھلاڑیوں میں سب سے پہلی ترجیخ فٹنس ہے ، لڑکے سمجھ لیں فٹنس نہیں ہوئی تو ٹیم میں جگہ نہیں ملے گی۔انہیں ذمہ داری کا مظاہر ہ کرنا چاہئے۔ قومی ٹیم میں شمولیت کیلئے فٹنس کو معیار بنا دیا ہے اور کوچ سے کہہ دیا ہے کہ فٹنس پر کوئی سمجھوتہ نہ کریں۔ ’’میچ فکسنگ میں ملوث کھلاڑیوں کو رعایت نہیں ملے گی ‘‘۔ انہوں نے کہا کہ میچ فکسنگ میں ملوث کھلاڑی اپنا کیریئر ختم سمجھیں۔شہریار خان نے مزید کہا کہ جب بھی کوئی پاکستان کی ٹوپی پہن کر نکلتا ہے تو اس پر بڑی ذمہ داری عائد ہو جاتی ہے۔ دورہ انگلینڈ اسٹریلیا اور نیوزی لینڈ کے دوران چیئرمینوں کے خط آئے کہ آپکی ٹیم ہارے یا جیتے انکا کنڈکٹ بہت بہتر رہا ہے۔بیرونی دوروں کے دوران ٹیم کے رویے کو بہت سراہا گیا ہے۔ چیئرمین پی سی بی کا کہنا تھا کہ فٹنس اور فیلڈنگ کی وجہ سے دیگر ٹیمیں ہم سے آگے چلی گئی ہیںتاہم اب ہمیں اس پر توجہ دینے کی ضرورت ہے۔ سپاٹ فکسنگ میں ٹربیونل کا فیصلہ قبو ل کریں گے۔