عاصف بٹ
کشتواڑ //محکمہ میونسپل کمیٹی کے عارضی ملازمین نے منگل کو میونسپلٹی کے دفترمیں اپنی مانگوں کو لیکر زوردار احتجاج کیا اور انتظامیہ سے مطالبات کو جلد حل کرنے کی اپیل کی ۔اس موقعہ پرصفائی کرمچاریوں نے بتایا کہ محکمہ میں گزشتہ بیس تیس سالوں سے ملازمین عارضی بنیادوں پر خدمات انجام دے رہے ہیں اور انتظامیہ انھیں مستقل کرنے کے بجاے ٹھیکیدار کھنے میں کی جانب گامزن ہورہی ہے۔انہوں نے کہاکہ’ ہم اس طرح کے کام انجام دے رہے ہیں جنہیں حکومت نے بند کیا ہوا ہے لیکن باوجود اسکے ہم اپنی زندگیوں کی پرواہ کئے بغیر خدمات انجام دے رہیں لیکن انتظامیہ کو اسکی کوئی پرواہ نہیں ہے۔ انہوں نے کہاکہ گزشتہ کئی برسوں انتظامیہ کی جانب سے ان کے مسائل اور مطالبات کو مکمل نظر انداز کیاجارہا ہے ۔انہوں نے اعلیٰ حکام سے اپیل کرتے ہوئے کہاکہ عارضی ملازمین کی مانگوں کو ترجیح بنیادوں پر پورا کیاجائے ۔
