عظمیٰ نیوز سروس
سرینگر//ڈائریکٹر اینیمل ہسبنڈری کشمیر، ڈاکٹر پرویندر سنگھ سوڈان نے کل ضلع گاندربل کا دورہ کیا تاکہ مختلف مستفید ہونے والی اسکیموں کی پیشرفت پر خصوصی توجہ مرکوز کرتے ہوئے محکمانہ سرگرمیوں کا جائزہ لیا۔ ڈاکٹر سوڈان نے محکمانہ عملے کی کاوشوں کو سراہتے ہوئے انہیں تمام مقررہ اہداف مقررہ وقت میں حاصل کرنے کی ہدایت کی۔ڈاکٹر سوڈان نے 21 ویں مویشیوں کی جاری سر شماری میں درستگی کو یقینی بنانے کے ساتھ ساتھ نیشنل اینیمل ڈیزیز کنٹرول پروگرام (NADCP) کے تحت فٹ اینڈ ماؤتھ ڈیزیز (FMD) ویکسینیشن ڈیٹا کی بروقت تکمیل اور آن لائن اپ لوڈ کرنے کی اہمیت پر زور دیا۔بعد ازاں، ڈائریکٹر نے ہمسفر ڈیری سیلف ہیلپ گروپ کے اراکین کے ساتھ بات چیت کی اور تلمولہ ڈیری کوآپریٹو سوسائٹی کا دورہ کیا۔
