ڈوڈہ//ایس ایس پی ڈوڈہ محمد شبیر نے پولیس کی طرف سے ہفتہ کے روز سوک ایکشن پروگرام کے تحت اولڈ بس اسٹینڈ ڈوڈہ میںقصبہ ڈوڈہ کے موٹر سائیکل چلانے والوں میں 50 حفاظتی ہیلمنٹ تقسیم کئے۔اس موقع پر ڈپٹی ایس پی ہیڈ کوارٹرس افتخار احمد،ڈپتی ایس پی ڈی اے آر ڈوڈہ نذیر احمد گنائی اوراے آر ٹی او ڈوڈہ زبیر احمد کے علاوہ پولیس اور سول انتظامیہ کے متعدد دیگر آفیسران اور اہلکاران اور عام لوگ بھی موجود تھے۔ اس موقع پر ایس ایس پی ڈوڈہ نے مستفید ہونے والے نوجوانوں سے کہا کہ وہ پولیس کے سفیر کے طور پر کام کریں اور یہ پیغام موٹر سائیکل چلانے والوں تک پہنچائیں کے وہ موٹر سائیکل چلانے ہوئے حفاظتی ہیلمنٹ پہنیں تاکہ کسی حادثے کی صورت میں اُنہیں زیادہ نقصان نہ پہنچے۔اُنہوں نے حفاظتی ہیلمنٹ پہننے،ڈرائیونگ لائسنس اور دیگر ضروری کاغذات کے ہونے کی اہمیت تفصیل سے بیان کی ۔اُنہوں نے خبر دار کیا کہ موٹر سائیکل پر دوسے زائد افراد کے سوار نہ ہوں۔اُنہوں نے عام لوگوں سے بھی اپیل کی کہ وہ ٹریفک کے اصول و ضوابط کے خلاف ورزی نہ کریں اور اس سلسلہ میں پولیس کو اپنا تعاون فراہم کریں۔ہیلمنٹ حاصل کرنے کے بعد مسفید ہونے والوں نے جانکاری پھیلانے کے مقصد سے ایک موٹر سائیکل ریلی بھی نکالی۔
موٹر سائیکل چلانے والوں میں 50 حفاظتی ہیلمنٹ تقسیم
