عظمیٰ نیوز سروس
سرینگر// شوپیاں کے چھوٹی پورہ علاقے میں پیر کی صبح ایک سڑک حادثے میں چار افراد زخمی ہوگئے ۔جن میں ایک شام دیر گئے ہسپتال میں دم توڑ بیٹھا۔پیر کی صبح دو موٹر سائیکلوں کے درمیان زور دار ٹکر ہوگئی جس کے نتیجے میں ان پر سوار چار افراد شدید زخمی ہوگئے ۔ زخمیوں کو علاج ومعالجے کے لئے ضلع اسپتال شوپیاں منتقل کیا گیا۔زخمیوں کی شناخت مختار احمد چوہان ولد محمد حسین چوہان ساکن سدیو، ہلال احمد میر ولد محمد لطیف میر ساکن چک چھوٹی پورہ، نثار احمد میر ولد محمد اسلم میر ساکن چھوٹی پور اور سہیل شبیر احمد ولد شبیر احمد بٹ ساکن سدیو کے طور پر ہوئی ہے۔زخمی ہوا نوجوان ہلال احمدم یر شام دیر گئے سرینگر کے ایک ہسپتال میں زخموں کی تاب نہ لاکر چلا بسا ۔دریں اثنا پولیس نے اس سلسلے میں ایک کیس درج کرکے تحقیات شروع کی ۔
