یو این آئی
نئی دہلی// وزیر اعظم نریندر مودی نے جمعرات کو حیدرآباد ہاؤس میں ویتنام کے وزیر اعظم فام من چن کا گرمجوشی سے استقبال کیا جس کے بعد دونوں رہنماؤں نے جامع اسٹریٹجک شراکت داری کو تقویت دینے کے لیے اہم دو طرفہ بات چیت کی وزارت خارجہ کے ترجمان رندھیر جیسوال نے ٹویٹر پر کہاکہ “ہندوستان-ویتنام کی شراکت داری کو نئی بلندیوں پر لے جاتے ہوئے وزیر اعظم نریندر مودی نے حیدرآباد ہاؤس میں ویتنام کے وزیر اعظم فام من چن کا گرمجوشی سے استقبال کیا۔”انہوں نے کہاکہ ‘بات چیت کے ایجنڈے میں ہندوستان-ویتنام جامع اسٹریٹجک پارٹنرشپ کو مزید مضبوط کرنا شامل ہے۔ ‘‘قبل ازیں فام کا راشٹرپتی بھون میں رسمی استقبال کیا گیا۔ اس کے بعد مسٹر فام، جو ہندوستان کے تین روزہ دورے پر تھے، بابائے قوم مہاتما گاندھی کے سمادھی پر پھول چڑھانے کے لیے راج گھاٹ گئے۔
